Mirsaid Aripov, Nurillo Otaxanov

1. Adabiyotlarni yuqori malakali dasturchilar yaratishi mumkin. Ular odatda bitta kitobga, shu kitob mavzusiga doir bo`lgan barcha bilimlarini joylashga xarakat qilishadi. SHuning uchun bunday kitoblar ko`pincha ma`lumotnoma xarakteriga ega bo`ladi. Delphi hususida aytadigan bo`lsak, bu til yuzasidan yoritilishi kerak bo`lgan ma`lumotlarni to`laligicha bitta kitobga joylash anchagina mushkul hisoblanadi. Masalan, faqat hatoliklar bilan ishlash masalasini olsak, shu masalada dasturchilarga yordam berishi mumkin bo`lgan funksiya va protseduralarning o`zi 100 dan ortiq. SHuncha funksiya va protseduralar ro`yxatini keltirib, ularni izohlashning o`zi bitta tuzukkina hajmli kitob bo`ladi. Kitob hajmining kattalashib ketmasligi uchun, dasturchi-muallif yozayotgan kitobida ma`lumotlarni qisqartirib, funksiya va protseduralar ro`yxatiga arang joy topa oladi, izohlar juda ham qisqa, yoki umuman (o`zi o`rganib olar degan nuqtai nazardan) keltirilmaydi. Bunday ko`rinishdagi kitoblarni o`qish anchagina og’ir, dasturlashni endigina o`rganishga kirishgan o`quvchilar uchun tushunarsiz, zerikarli hisoblanadi. Bunday adabiyotlar asosan bitta dasturlash tilini yaxshi o`zlashtirgan dasturchilarga yangi tillarni o`rgatish uchun mo`ljallanadi.