Mirsaid Aripov, Nurillo Otaxanov

18.8. Ma`lumotlar bazasidan axborot tanlash

Foydalanuvchi MB bilan ishlar ekan, odatda uni jadvaldagi to`laligicha kamdan-kam hollardagina qiziqtiradi. Ko`pincha, u ma`lum bir kriteriyaga javob beradigan bir yoki bir nechta ma`lumotlarni qidiradi. Zarur bo`lsa, yozuvlarni birma-bir varaqlab, foydalanuvchi o`zi uchun kerakli ma`lumotlarni topishi mumkin. Ammo, bunday usuldan foydala-nishning samarasi yuqori bo`lmaydi.

MBBD larida ma`lumotlar so`rovnomalar yordamida ajratib olinadi. Foydalanuvchi ma`lum bir kriteriya asosida so`rovnomalar tashkil qiladi. Sistema esa ana shu kriteriyalarni qanoatlantiruvchi ma`lumotlarni qidirib topadi va ekranga chiqaradi.

So`rovnomalarni tashkil qilish uchun BDE qurollar palitrasidagi Query komponentasidan foydalaniladi.

Query komponentasi Table ga o`xshab ketadi, ammo farqi shundaki, Table jadvalni to`laligicha, Query esa jadvalning so`rovnoma shartini qanoatlantiruvchi qismini ifodalaydi. Uning ayrim hususiyatlari 17.18-jadvalda keltirilgan.

Query komponentasining hususiyatlari 17.18-jadval