Mirsaid Aripov, Nurillo Otaxanov

10.5. Dinamik o`zgaruvchilar

Dinamik o`zgaruvchilar deb dasturning ishlashi jarayonida xotiradan joy ajratiladigan o`zgaruvchilarga aytiladi.

Dinamik o`zgaruvchilar uchun xotiradan joy ajratish uchun new protsedurasidan foydalaniladi. Bu protsedurada bitta parametr - xotira ajratilishi talab qilingan o`zgaruvchiga ko`rsatkich mavjud. Masalan, agar p – real tipdagi ko`rsatkich bo`lsa, u holda

new(p);

protsedurasi real tipidagi o`zgaruvchi uchun joy ajratadi (real tipidagi o`zgaruvchi yaratiladi) hamda p ga shu o`zgaruvchi uchun ajratilgan xotira manzili qiymat qilib beriladi.

Dinamik o`zgaruvchining nomi bo`lmaydi, shuning uchun unga faqat ko`rsatkich yordamida murojaat qilish mumkin.

Dinamik o`zgaruvchidan foydalanadigan dastur o`z ishini yakunlashidan avval shu o`zgaruvchilar band qilib turgan xotira qismini bo`shatish lozim. Buni dasturchilar dinamik o`zgaruvchilarni "yo`q qilish" deb atashladi. Dinamik o`zgaruvchi band qilgan hotirani bo`shatish uchun Dispose protserurasidan foydalaniladi. Masalan, agar new(p) protsedurasi bilan xotiradan p ga joy ajratilgan dinamik o`zgaruvchi bo`lsa,

dispose(p);

buyrug’i bu dinamik o`zgaruvchi band qilgan xotirani bo`shatadi.

Quyidagi protsedura (9.3-listing) dinamik o`zgaruvchilarni yaratish, foydalanish va yo`q qilish jarayonini namoyish qiladi.