Mirsaid Aripov, Nurillo Otaxanov

Ma`sul muharrir:

Xaydarov Abdug‘affor – O‘zbekiston Milliy universiteti “Informatika va tatbiqiy dasturlash” kafedrasi professori, fizika-matematika fanlari doktori.

So`zboshi

Oxirgi vaqtlarda dasturlashga bo`lgan qiziqish ortib bormoqda. Bu informatsion-kommunikatsion texnologiyalarning rivojlanishi va kundalik xayotimizga tobora ko`proq kirib borayotganligi bilan bog’liqdir. Chunki, inson komp’yuter bilan muloqot qilar ekan, ertami yoki kech, albatta unda dasturlashga xohish, keyinchalik esa zarurat paydo bo`ladi.

Ushbu qo`llanma ob’yektga mo`ljallangan Borland Delphi dasturlash tili asoslarini o`rganishga bag’ishlangan. Bu til qat`iy tiplashtirilgan bo`lib, asosida dasturchilarga yaxshi tanish bo`lgan Object Pascal yotadi va bugungi kunda ommalashlashgan barcha axborot texnologiyalari bilan birgailkda ishlay oladi.

Xozirgi vaqtda dasturchilar ixtiyoriga Delphi paketining yangi–yangi versiyalari taklif qilinmoqda. Sizlarga Borland Delphi ning umumiy, ya`ni oddiy bir oynali ilovalardan to ma`lumotlar bazasi bilan ishlashgacha dastur ishlab chiqish jarayonida foydalanish mumkin bo`lgan yadrosi taklif qilinmoqda.

Qo`lingizdagi kitob Delphi tilida dasturlashni o`rgatishga mo`ljallangan bo`lib, unda dialog oynasini yaratishdan boshlab, to ma`lumot bazalarini yaratish va boshqarish, o`rnatuvchi disklarni yaratishgacha bo`lgan zanjir batafsil ochib berilgan.

Dasturlashni konkret masalalarni yechish orqali o`rganiladi va bu sohadagi yutuqlar bevosita tajribaga bog’liq bo`ladi. O`quvchilarga ushbu kitobdan maksimal darajada foydalanishlari uchun, u bilan faol ishlashni tavsiya qilamiz. Kitobni, ayniqsa unda keltirilgan namuna misollarni shunchaki o`qimang, balki ularni komp’yuteringiz yordamida tekshiring, dasturlar bilan tajriba qilishdan qo`rqmang, ularga o`zgartirishlar kiriting. Siz mustaqil ravishda qancha ko`p shug’ullansangiz, dasturlash bo`yicha shuncha ko`p malakaga ega bo`lasiz.