Mirsaid Aripov, Nurillo Otaxanov

Tip	Kons-tanta
Maydondagi ma`lumotlar
Alpha	A	Belgilar satri. Maksimal uzunligi Size bilan belgilanadi va 1 dan 255 gacha bo`lishi mumkin
Number	N	10^-307... 10^308 diapazondagi va 15-ta ishonchli raqami bo`lgan son
Money	$	Pul formatidagi son. Son razryadlari guruhlarga bo`linadi va pul belgisi bilan chiqariladi.
Short	S	-32767...32767 diapazondagi butun son
Long Integer	I	-2 147 483 648...2 147 483 647 diapazondagi butun son
Date	D	Sana (Data)
Time	T	Yarim tundan boshlab, o`tgan millisekund
Time stamp	@	Vaqt va sana
Formatted Memo	F	Ixtiyoriy uzunlikdagi formatlangan matn (Memo kabi).
Graphic	G	Grafika
Logical	L	Mantiqiy qiymat: True yoki False.
Memo	M	Ixtiyoriy uzunlikdagi satr. Bu tip Alpha tipida saqlash mumkin bo`lmagan matnli ma`lumotlarni saqlashda foydalaniladi.
Auto-increment		Butun son. Jadvalga yangi yozuv qo`shilganda bu maydonga avvalgi yozuvning shu maydonida turgan songa bir soni qo`shib yoziladi.
Binary	V	Ikkilik sanoq sistemasidagi ma`lumot. Database Desktop qayta ishlash olmaydigan ma`lumot-larni audio ma`lumotlar uchun foydalaniladi.

Tipni ko`rsatuvchi belgili konstanta klaviaturadan kiritilishi yoki Type ustuni chertilganda ochiladigan ro`yxatdan maydon tipini belgilash orqali ko`rsatilishi mumkin.

Bir yoki bir nechta maydonlarni asosiy (kalit) maydon tarzida e`lon qilish mumkin. Bu maydonlar ma`lumotlarning mantiqiy tartibini belgilaydi. Masalan, Fam maydoni (Alpha tipi) kalit maydon sifatida e`lon qilingan bo`lsa, jadval elementlari bu maydon bo`yicha alfavit tartibida tartiblangan holda chiqariladi. Agar kalit maydonlar bo`lmasa, ma`lumotlar jadvalga kiritilgan tartibida chiqariladi. SHuni yodda saqlash kerakki, kalit maydonlarda bir hil ma`lumotli ikkita yozuvning bo`lishi mumkin emas. Shuning uchun biz ko`rayotgan misolda, ismi va familiyasi bir hil bo`lgan ma`lumotlar uchrab turishi e`tiborga olib, yangi maydon kiritish va uni kalit deb e`lon qilish tavsiya etiladi. Masalan, talabalar uchun Pasp (Pasport) kalit maydonini kiritish mumkin.

Maydonni kalit sifatida belgilash uchun Key ustunini ikki marta chertiladi. Iloji boricha, kalit maydonlarni jadvalning yuqori qismiga joylashtirish kerak.

Yozuvlarning ayrim maydonlari bo`sh bo`lishi mumkin. Bo`sh bo`lmasligi shart bo`lgan maydonlar uchun albatta Required Field bayroqchasini o`rnatib qo`yish lozim. Masalan, Fam (familiyasi) maydoni bo`sh bo`la olmaydi, ammo Tel (Telefon) maydoni bo`sh bo`lishi mumkin.

Agar maydonga kiritiladigan ma`lumotlar ma`lum bir diapazonda bo`lishi talab qilinsa, Minimum value (Minimal qiymat) va Maximum value (Maksimal qiymat) maydonlarida chegaralar ko`rsatib qo`yiladi.