Mirsaid Aripov, Nurillo Otaxanov

18.5. Jadval yaratish

MB yaratishda eng muhim vazifalardan biri ma`lumotlarni yozuv maydonlari orasida taqsimlash masalasi hisoblanadi. Ma`lumotlarni turli usullar bilan taqsimlash mumkinligi tabiiy. Masalan, talabalar haqidagi MB ni "familiya", "ism", "fakul’tet", "guruh" va "tug’ilgan sanasi" maydonlaridan iborat bo`lgan yozuvlar shaklida saqlangan bo`lsin.

Yozuv maydonlarining ro`yxati aniqlanganidan so`ng, maydonlarni jadvallarga taqsimlash lozim. Bitta sodda MB da hamma ma`lumotlarni bitta jadvalga kiritish mumkin. Murakkab MB larda esa ma`lumotlar bir nechta jadvallar bo`ylab taqsimlanadi hamda bu jadvallar o`rtasidagi aloqani belgilovchi kalit maydon ham tayinlanadi.

MB strukturasi aniqlanganidan so`ng, jadval yaratishga o`tiladi. Jadvallarni Database Desktop utiliti yordamida tashkil qilish mumkin. Bu utilit MB bilan ishlashda zarur bo`ladigan jadvallarni yaratish, ko`rish, tahrirlash, turli formatdagi (Paradox, dBASE, Microsoft Access) MB lar bilan ishlash, so`rovnomalar yordamida ma`lumotlarni tanlash kabi imkoniyatlarga ega.

Yangi jadval yaratish uchun Tools menyusidan Database Desktop buyrug’i tanlanadi. So`ngra, uning dialog oynasidagi File menyusidan New buyrug’i tanlanadi va ochilgan ro`yxatdan Table tugmasi chertiladi. Ochilgan Create Table dialog oynasidan yaratilayotgan jadvalning tipi ko`rsatiladi. Agar bu tip ko`rsatilmasa, u Paradox 7 deb qabul qilinadi. Natijada Create Paradox 7 Table dialog oynasi ochiladi va unga jadval strukturasini kiritish mumkin bo`ladi.

Jadvalning har bir maydoni uchun nom, tip va zarur bo`lsa o`lcham berish kerak. Maydon nomlarini Field Name ustuniga yoziladi. Nomlarni yozishda lotin harflari va raqamlardan iborat hamda umumiy uzunligi 25 dan ko`p bo`lmagan belgilar ketma-ketligidan foydalanish mumkin.

Maydonning tipi shu maydonga yoziladigan ma`lumotlar tipini belgilaydi va Ture ustuniga maxsus belgili konstanta kiritish bilan e`lon qilinadi. 17.1-jadvalda tiplar va ularga mos konstantalar ro`yxati keltirilgan.

Maydon tiplari va ularga mos konstantalar. 17.1-jadval