Минтақада иқтисодий ўсишни таъминлаш механизмининг жаҳон тажрибаси

Keywords: socio-economic, infrastructure, comprehensive, regional tourism, model, growth pole, model, decentralization, mechanisms.

Кириш.

Дунё тажрибаси, илмий тадқиқотлар натижалари шуни кўрсатмоқдаки, минтақаларнинг табиий-иқтисодий салоҳиятидан ва имкониятларидан самарали фойдаланиш мамлакатда иқтисодий ўсишнинг асосий омилларидан бирига айланди. Чунки, ислоҳотлар минтақаларда ва аҳоли яшаш жойларида инвестиция лойиҳалари бевосита амалга оширилади. Ҳар бир минтақани мавжуд табиий, минерал-хомашё, саноат, қишлоқ-хўжалиги, сайёҳлик, меҳнат салоҳиятидан самарали фойдаланишни таъминлаш орқали комплекс ривожлантиришга алоҳида эътибор қаратилган. Лекин, минтақаларни комплекс ривожлантиришда бир қатор тизимли муаммолар халигача сақланиб қолмоқда. Улар қаторига мамлакатда ягона минтақаларни ривожлантириш стратегиясини йўқлиги, ҳар бир минтақани узоқ келажакда ривожланиш концепциясини ишлаб чиқилмаганлиги, мавжуд табиий-иқтисодий, салоҳиятдан тўлиқ фойдаланмаслик, иқтисодий ўсишнинг янги омилларига ўтишдаги қолоқликни айтиб ўтиш лозим.

Нуфузли халқаро ташкилотлар ва олимларнинг тадқиқотлари келажакда минтақавий туризм энг барқарор ўсиш имкониятига эга бўлган йўналиш сифатида асослаб берилган. Шу сабабли минтақаларни барқарор ривожлантиришда туризм етакчи соҳа ва ўсиш нуқтаси бўлиб хизмат қилади.