Минтақада иқтисодий ўсишни таъминлаш механизмининг жаҳон тажрибаси

Хулоса ва таклифлар:

Умуман олганда, минтақаларнинг ижтимоий-иқтисодий ривожланишини ва уларда жойлашган туризм соҳасини давлат томонидан тартибга солиш борасидаги хорижий тажрибаларни таҳлил қилиш натижалари ва уларни умумлаштирган ҳолда Ўзбекистон шароитида қуйидагилардан фойдаланиш мақсадга мувофиқ:

- мамлакат минтақаларини комплекс ижтимоий-иқтисодий ривожлантиришнинг аниқ ишлаб чиқилган стратегиясининг зарурлиги;

- иқтисодий ислоҳотларнинг миллий моделини ҳисобга олган ҳолда номарказлаштириш, минтақалараро интеграция, атроф-муҳитни муҳофаза қилиш каби умумий тенденцияларга минтақавий сиёсатни босқичма-босқич мослаштириш;

- минтақаларда етакчи соҳаларни (туризмни) ривожлантиришда рақобат афзалликларини, ҳудудий ижтимоий-иқтисодий ривожланиш даражаси ва салоҳиятини эътиборга олган ҳолда инвестиция сиёсатни амалга оширишга эътибор қаратиш;

- минтақаларнинг мажмуали ва барқарор ривожланиши, шу жумладан, етакчи соҳани (туризмни) тартибга солишнинг асосий омили сифатида инфратузилмаларни ривожлантириш;

- кўплаб хорижий мамлакатларда минтақаларни ривожланишини тартибга солишда ўсиш қутблари, ўсиш нуқталари, махсус эркин зоналар, кластер механизмларидан фойдаланиш бўйича махсус илмий тадқиқотларни амалга ошириш;

- эришилган ютуқлар ва мавжуд муаммоларни ҳисобга олган ҳолда Ўзбекистонда минтақаларнинг (уларда жойлашган етакчи соҳаларни) рақобат афзалликларидан самарали фойдаланиш механизмини ишлаб чиқиш.