Минтақа рекреация соҳасида кичик бизнес ва хусусий тадбиркорликни ривожланиш истиқболлари

III-БОБ. ХОРАЗМ ВИЛОЯТИДА РEКРEАЦИЯ СОҲАСИДА КИЧИК 
БИЗНEС ВА ХУСУСИЙ ТАДБИРКОРЛИКНИ 
РИВОЖЛАНТИРИШНИНГ АСОСИЙ ЙЎНАЛИШЛАРИ 
 
3.1. Хоразм вилоятида КБХТ ривожланиши ва унда туризм-рeкрeация
фаолияти самарадорлигини баҳолаш 
Хоразм вилояти Ўзбекистоннинг кўпгина минтақалари каби туризмни 
ривожлантириш бўйича етарли даражада салоҳиятга эга бўлиб, бугунги 
кунда вилоятда туризмни ривожлантириш асосий макроиқтисодий муаммо-
лар ҳисобланган ишсизликни бартараф этиш ҳамда аҳоли даромадларини 
оширишдаги истиқболли йўналишлардан бири сифатида қаралмоқда.
Вилоятнинг мавжуд туристик ресурслари маданий, зиѐрат, ишбилар-
монлик, спорт, илмий, агро, соғломлаштирувчи, экотуризмни ривожланти-
ришни кўзда тутади ва нафақат минтақа балки мамлакат миқѐсида туризм 
салоҳиятини оширишда алоҳида аҳамият касб этади. 
Юқоридагиларни инобатга олган ҳолда вилоятда туризм соҳасини 
ривожлантириш бўйича қатор чора-тадбирлар амалга оширилиши натижаси-
да туризм хизматларининг вилоят ЯҲМидаги улуши ҳам ошиши таъминлан-
ган. Хусусан 2000 йилларда туристик хизматларнинг вилоят ЯҲМдаги улуши 
1 фоизга ҳам етмаган бўлса, 2015 йилга келиб 2,6 фоизни, 2018 йилга келиб 
эса 7,6 фоизни ташкил этган. Шундан 2015 йилда хорижий туристларга 
кўрсатилган хизматларнинг вилоят ЯҲМдаги улуши 1,7 фоизни ташкил этган 
бўлса, 2018 йилга келиб 4,5 фоизни ташкил қилган. Ўз навбатида маҳаллий 
туристларга кўрсатилган хизматларнинг ЯҲМдаги улуши 2015 йилда 0,8 
фоиздан 2018 йилга келиб 3,1 фоизга оширилган. 
Келтирилган натижаларга эришиш ҳамда туристик хизматлар зонаси 
ѐки муайян ҳудудда туризм барқарор ривожланишини таъминлашда унга 
таъсир қилувчи омиллар ва уларнинг таъсир даражаларини аниқлаш лозим 
бўлади. Илмий тадқиқот ишларида мазкур омилларни турли хил таснифлари 
кузатилади, уларни ўрганиш натижаларига асосланган ҳолда омилларни 

---

64 
шартли равишда 5 гуруҳга ажратишни таклиф қиламиз, булар: табиий, 
бозор, сиѐсий, ижтимоий, иқтисодий.