Министерство высшего и среднего специального образования Республики Узбекистан

SHAXSIY MUNOSABAT - psixologiya qoidalaridan bo‘lib, odamga shaxs tariqasida, uning voqelikni aks ettiruvchi va barcha psixik hodisalarni belgilab beruvchi sistema ekanligini tushungan holda yaqindan yondashishdir.

PSIXOLOGIYA METODLARI - psixik hodisalarni va ularning qonuniyatlarini ilmiy tomondan o‘rganishning asosiy yo‘l-yo‘riq va usullaridir.

KUZATISH - psixologiya metodlaridan bo‘lib, kishining xatti-harakatlarida namoyon bo‘ladigan turli hodisalarni hisobga olish va sub’ektiv psixik hodisalar to‘g‘risida fikr olishdan iboratdir.

O‘RGATUVCHI YOKI SHAKLLANTIRUVCHI EKSPERIMENT – psi- xologiya metodi bo‘lib, bu metod orqali shaxsda zaruriy psixik jarayon yoki sifatlar rejasi shakllantiriladi.

PATOPSIXOLOGIYA - psixologiya tarmoqlaridan bo‘lib, turli kasalliklar natijasida psixik taraqqiyotning izdan chiqishini o‘rganadi.

PEDAGOGIK PSIXOLOGIYA - psixologiya tarmoqlaridan bo‘lib, ta’lim va tarbiya qonuniyatlarini o‘rganadi.

SOTSIOMETRIYA - J.Moreno tomonidan tavsiya etilgan bo‘lib, o‘zaro munosabatlar tuzilishi bilan psixologik qovushuvchanlikni aniqlash maqsadida guruh va jamoalardagi shaxslararo munosabatlarni o‘rganishdan iborat psixologik tadqiqot metodidir.