Mini issiqlik elektr markazini loyihalashtirish tamoyillari

MINI ISSIQLIK ELEKTR MARKAZINI LOYIHALASHTIRISH TAMOYILLARI

Askarov Dilmurod Baxtiyor o’g’li

Toshkent davlat texnika universiteti magistranti
O’zbekiston Respublikasi Prezidenti Sh.M.Mirziyoyevning 2017 yil 7-fevraldagi 4947-sonli Farmoni bilan 2017-2021 yillarda O`zbekistonni rivojlantirishning beshta ustuvor yo`nalishlari bo`yicha Xarakatlar strategiyasi belgilandi. SHunga ko`ra mamlakatimizda ijtimoiy-iqtisodiy mexanizmni bozor iqtisodiyoti printsiplariga mos ravishda o’zgartirish bo’yicha kompleks tadbirlar o’tkazilmoqda, shu bilan birga bozor munosabatlarning rivojlanishi aholining yashash sharoitlarni yaxshilashga, moddiy farovonligini o’sishiga yordam beradi.

Jahon tajribasining ko’rsatishicha, jamiyat hayoti sharoitlarini yaxshilash, albatta, energiya ishtemolining o’sishi bilan kechadi va unga mos ravishda energiyadan tejamli foydalanish zarurati o’sib boradi.

Jahon amaliyotida energiyaning anhanaviy manbalari bilan bir qatorda, qayta tiklanadigan yoki boshqacha aytganda energiyaning muqobil manbalaridan foydalanishga tobora ko’proq e’tibor jalb qilinmoqda.