Минг бир саволга минг бир жавоб

120. С: Жисмоний машқларни ўргатиш неча босқичда кечади?
Ж: Уч босқичда. Биринчиси – дастлабки ўрганиш – жисмоний машқ, ҳаракатлар тўғрисида назарий тушунчага эга бўлиш, амалда бажариб кўриш.
Иккинчи босқич. Чуқурроқ ўрганиш – ҳаракат ва машқни қисмларга бўлиб, сўнг яхши ўрганиш.
Учинчи босқич. Такомиллаштириш – машқ ва ҳаракатни қийинчиликлар туғдириб бажариш, шеригини ва рақибини қаршилигини енгиб бажариш.
121. С: Жисмоний тарбия ва спорт билан шуғулланишда тарбия тамойилларини сўзлаб беринг.
Ж: - Онглилик тамойили – жисмоний машқ ва ҳаракатларни мақсади ва вазифасини тушуниб етган ҳолда бажариш.

• 
  фаоллик тамойили – организмни машғулотларда етарли даражада жисмоний юк омили учун фаол шуғулланиши.
  
• 
  кўрсатмалилик тамойили – жисмоний машқ ва ҳаракатларни амалда бажариб, хатоларни тузатиб бориш.
  
• 
  кўргазмалилик тамойили – жисмоний машқлар ва ҳаракатларга ўргатишда кўргазмали қуроллар, видео-кино фильмлар, макетлар ва кўргазмали қуроллардан фойдаланишлар.
  
• 
  бажара билиш тамойили – жисмоний машқлар ва ҳаракатларни ўрганишда оддийдан бошлаб, мураккаблаштириб бориш, ўрганилган ҳаракатларни самарали бажара олингандан сўнг кейинги машқ ҳаракатига ўтиш.
  
• 
  Алоҳидалик (индивидуаллаштриш) тамойили – шахсий, жисмоний қобилият, жисмоний тайёргарлик, жинс ва ёш хусусиятларини ҳисобга олиб, жисмоний машқ ҳаракатларини бажаришга ўргатиш.
  
• 
  Мунтазамийлик тамойили – ўрганилган машқ ва ҳаракатларни мускулларда рефлекс қолдиришини таъминлаш учун доимий мунтазам шуғулланиш.
  

122. С: Велоспорт (шоссе) велосипеднинг оғирлиги қанча?
Ж: 8,5 кг.
123. Велотрекдаги велосипеднинг оғирлиги қанча?
Ж: 6 кгни ташкил этади.


124. Енгил атлетика спорт тури неча турга бўлинади?
Ж: 5 та турга (юриш, югуриш, сакраш, улоқтириш, кўп кураш).
125. С: Халқаро енгил атлетика федерацияси қачон ташкил топган?
Ж: Халқаро енгил атлетика “Ҳаваскорлар” жамияти 1912 йили ташкил топган.