Минг бир саволга минг бир жавоб

585. С: Волеология
Ж: Саломатлик педагогикаси.
586. С: Ваколатли таълим
Ж: Инсоннинг ўзини ўқишга ўргатиш, мустақил равишда ижтимоий тажриба, ижтимоий билимлар орттирмоққа ва уларни бошқалар билан саҳоват ила бўлишишга ўргатишдир. Машғулотларда ўқувчилар атрофдагилар билан ўз муносабатларини, гендер сезгиларини намоён қилган ҳолда, ўзаро ишонч ва шериклик асосида қандай куриш кераклиги ҳақида, қандай қилиб самарали ҳамкорлик қилиш ва жамоанинг шакллантириш тўғрисида билим оладилар.
587. С: Ватанпарварлик руҳида тарбиялаш
Ж: Ўқувчиларда Ватанимиз ўтмиши, буюк фарзандлари ҳаёти, мероси билан таништириш орқали “Ўзбекистон келажаги буюк давлат” бўлишига ишонч туйғусини таркиб топтиришдир. Ватанимизнинг равнақи, аввало, унинг фарзандлари камолига боғлиқ бу эса ҳар бир юртдошимизни ўзининг маънавий камолоти учун юксак маъсулиятни ҳис этишга, ўз маанфатларини шу юрт, шу ҳалқ маанфатлари билан уйғунлаштириб боришга, яшашга даъват этади.
588. С: Гармоник ривожланиш
Ж: Ҳар томонлама камолот , уйғун сифатда вояга етиш, ҳар томонлама мутаносиб камол топиш. “Гармония” назарияси қадимга Юнонистонда пайдо бўлган.
589. С: Дарс типлари
Ж: Дарслар мақсади, тузилиши, қўлланиладиган усул, услублари, ўқув воситалари асосида маълум типларига ажратилади .

1. 
   Ўқувчиларни янги материаллар билан таништириш дарслари.
   
2. 
   Билимларни мустаҳкамлаш дарслари.
   
3. 
   Материалларни умумлаштириш ва тартибга солиш дарслари.
   
4. 
   Кўникма ва малакаларни шакллантириш ва мустаҳкамлаш дарслари.
   
5. 
   Назорат дарслари.
   
6. 
   Аралаш дарслар.
   

Ҳар қандай дарс типи кўринишида ташкил этилиши мумкин. (экскурсия, лабаратория ишлари, семинар, маъруза)
590. С: Дарсларга нисбатан талаблар.
Ж: Дарснинг самарадорлигини ошириш юқори натижаларга эришиш учун қуйидаги талабларга риоя этиш зарур:

1. 
   Ҳар бир дарсда таълимий, тарбиявий ва шахсни ривожлантириш мақсадлари яхлитлигини таъминлаш;
   
2. 
   Ҳар бир дарс дидактик қонуният, тамойил ва қоидалар, энг аввало таълимнинг илмийлиги, хаёт билан боғланиши асосига қурилиш;
   
3. 
   Ҳар бир дарс ўзининг аниқ таълимий, тарбиявий ва шахсни ҳар томонлама ривожлантириш мақсадга эга бўлиш;
   
4. 
   Дарснинг ҳар бир босқичида ўқувчиларнинг ўқув –билим фаолиятини оширувчи хилма хил усул, услуб, воситалардан фойдаланиши;
   
5. 
   Дарслар ўқувчиларнинг ҳиссий ҳолатларини кучайтиришга таъсир этиш орқали янги, муҳим билим, кўникма ва малакаларини осон, самарали ўзлаштириб олишларини таъминлаш;
   
6. 
   Ҳа бир дарсда ўқувчиларни билим, кўникма, малакаларини доим назорат этиш ва баҳолашни амалга ошириш;
   
7. 
   Ҳар бир дарс ўқувчида, ўқитувчида Фан техника маданият тажрибалар соҳасидаги янгиликларни эгаллаб олишга интилиш, эришилган натижалардан қувониш, маънавий қониқиш, мустақил билим олишга қизиқишларини ўстириши;
   
8. 
   Ҳар бир дарс дидактик ва техник жиҳатдан оптимал жиҳозланган бўлиши;
   
9. 
   Ҳар бир дарсда доим билим, кўникма ва малакаларни мустаҳкамлаб, такрорлаб бориш;
   
10. 
    Ҳар бир дарсни бошқа ўқув предметлари дарслар билан боғланишини таъминлаш;
    
11. 
    Ҳар бир дарсда самарали натижаларга эришишга интилиш;
    
12. 
    Дарс давомида ўқувчиларни ўқув меҳнати, интизомини таъминлашга эришиш;
    
13. 
    Ҳар бир дарс ўзининг таркибий қисмлари билан ажралиб туриш;
    
14. 
    Ҳар бир дарс муайян нисбий йўналишига, ўрганилаётган материалини ўқув, билим, меҳнат фаолиятини қайси соҳасида қўлланишини кўрсатишга йўналтирилган бўлиши;
    
15. 
    Уй ва ўқув топшириқлари самарадорлиги ва унинг натижасини доимий текшириб бориш;
    
16. 
    Ҳар бир дарсда ижодий, маънавий, ахлоқий, руҳий ва санитария-ги гигиеник шарт –шароитларини яратиш.