Минг бир саволга минг бир жавоб

85. С: “Боксёр”лар кийими ҳақида нима биласиз?
Ж: Уларнинг кийими майка, трусик ҳамда устидан махсус мослама кийилади. Уларнинг оғзида “тишлари” ҳам бўлади.
86. С: “Бокс” спорт турида қандай “снарядлар” ишлатилади?
Ж: Боксёрлар қопи, махсус осма нок, махсус тренажёрлар ҳимоя маскаси, машғулотлар учун алоҳида қўлқоплар, ҳақиқий бокс қўлқоплари.
87. С: Бокс спорт турида нечта гуруҳда мусобақалар олиб борилади?
Ж: Тўрттала гуруҳ орасида олиб борилади. (10-12 ёш), (12-14 ёш), (14-16 ёш), (16-18 ёш), (18 ёш ва ундан ортиқ).
88. С: Боксдаги вазн тоифалари ҳақида сўзлаб беринг.
Ж: 10-12 ёш – 32, 34, 36, 38, 40, 42, 44, 46, 48, 51, 54, 57, 60, 63, 66, 69 ва 69 дан оғир. 12-14 ёш – 42, 45, 48, 51, 54, 57, 60, 63, 66, 69, 72, 75 ва 75 дан оғир.
14-16 ёш ва ундан катталар – 48, 51, 54, 57, 60, 63,5, 67, 71, 75, 81, 91 ва ундан ортиқ.
89. С: “Бокс” спорт туридан III ўсмирлар даражасини олиш учун неча марта ғолиб чиқиш мумкин?
Ж: III ўсмирлар даражасини олиш учун боксёр 6 марта рингда янги рингга чиққан ўқувчилардан ғолиб чиқиш лозим.
90. С: Юнон-рум кураши ҳақида нима биласиз?
Ж: Бизнинг эрамиздан 3000 йил олдин ҳам бу кураш тўғрисида тарихий манбаларда акс этган. Бу кураш бизнинг “белбоғлик” кураш спорт турига ўхшаб кетади. Бунда курашчи белдан тепасида курашади. Ўша замонларда агар аёл билан эркак бир-биридан ажраладиган бўлса қозининг амри билан эркак кишини белигача кўмиб қўйишиб, аёл билан кураштиришган.
91. С: “Кураш” деб нимага айтилади?
Ж: Кураш деб икки мард паҳлавон йигитнинг майдондаги беллашувига айтилади.
92. С: “Эркин” кураш деганда нимани тушунасиз?
Ж: Эркин кураш мусобақасида курашчилар оёқ ва тананинг белгиланган жойларидан ушлаб (устибошидан ушлаш мумкин эмас) курашишади.
93. С: Волейбол ўйини тарихи ҳақида сўзлаб беринг.
Ж: Волейбол ўйини 1895 йили Америка қўшма штатларида ташкил топган. Бу ўйинни Массачусетес колледж ўқитувчиси Уильям Морган томонидан топилган.