«Минерал ўғитлар технологияси» фани бўйича: Минерал ўғитларнинг халқ хўжалигидаги аҳамияти

12.4. Аммофосфат.
Аммофосфат - Қоратоғ фосфоритини ундан олинадиган ортиқча микдордаги экстракцион фосфор кислота билан парчалаш, хосил килинган кислотали фосфат суспензиясини аммонийлаш, уни буғлатиш, донадорлаш ва қўритиш натижасида ишлаб чиқариладиган ўғитдир. Бунда Қоратоғ фосфоритини парчалаш учун қўшалоқ суперфосфатда бериладиган меъёрдаги экстракцион фосфор кислота берилса, фосфоритнинг парчаланиш даражаси унчалик катта бўлмайди. Аммо 150-200% ортикча олинган кислотада фосфоритнинг карбонатли қисми тўла, фосфатли қисми эса қисман парчаланади ва фосфат доначаларининг асосий массаси очилади, парчаланмаган қисмининг структураси ўзгаради ва парчаланиш жараёнида, аммонийлаштирилган суспензияни буғлатишда, донадорлашда ва қуритишда ўсимликларга ўзлашадиган шаклга ўтади.
Белгиланган техник шартларга мувофиқ, махсулот таркибида: 38-39%
P₂O_{5 уиз} 20-21% P₂O_{5 сэр} , 4-5% N ва 2% дан кам сув бўлади. 1 т P₂O₅, ҳисобида аммофосфат ишлаб чиқаришдаги фосфор кислота сарфи аммофосдагига қараганда кам бўлади, чунки аммофосфатдаги бир қисм P₂O₅ тўғридан-тўғри фосфорит унидан ўтади

6.Комплекс мураккаб ўғитлар ишлаб чиқариш хақида умумий хоссалари.

(Хоссаси, олиниши, ишлатиши, усуллари, таркиби, хом ошё, реакция, нитроз газлар, буғлатиш, совутиш, сарф.)
Мураккаб ўғитларга шундай комплекс (яъни бир неча озуқа элементи бўлган) ўғитлар кирадики, бунда барча заррачалар (кристаллар ва доначалар) деярли бир хил кимёвий таркибга эга бўлиши керак. Бундай ўғитларга: таркибида бир неча озуқа элементи бўлган битта туз, масалан КNО₃, (NН₄)₂НР0₄ ва бошқалар; таркибига иккита (N+Р, N+К, Р+К) ёки учта (N+Р+К) озуқа элементи кирувчи икки ёки ундан ортик тузлар композицияси киради. Бундай композициялар нитрат, фосфат ва сульфат кислоталарнинг аммиак, табиий фосфатлар; калий, аммоний ва бошқаларнинг тузлари билан ўзаро таъсирлашувидан олинади.
Ўғитдаги таъсир этувчи моддалар қанчалик кўп бўлса, улар шунчалик ахамиятли бўлади. Турли экинлар, тупроқлар, иқлим ва бошқа шароитлар учун азот, фосфор ва калийнинг микдори ва нисбати хар хил бўлган муракаб ўғитлар талаб этилади. Улар N:Р₂0:К₂О массалари нисбати билан тавсифланади, масалан 1:1,5:0,5. Бунда таъсир этувчи моддаларнинг умумий микдори тарзида хам ифодаланиши мумкин, масалан N+Р₂O₅+К₂О = 36%; айрим холларда Р₂О:К₂О нинг масса бўйича процент нисбати, масалан 12:18:6 ёки 12-18-6 шаклида ифодаланиши мумкин, бу сонларнинг умумий йиғиндиси ўғитдаги таъсир этувчи моддаларнинг умумий микдорини кўрсатади.
Уч компонентли 1:1:1; 1:1,5:1; 1:1:0,5; 1:1:1,5; 1:0,67:0,67 ва икки компонентли 1:4;0; 1:1:0; 0:1:1; 0:1;1,5 маркали ўғитлар энг кўп ишлатилади.