Milliy universiteti

Axborotlar banki (AB)
 - kishilik faoliyati sohasining yoki ilmiy bilishning ma'lum yo'nalishi 
bo'yicha  axborotlarni  aniq  maqsad  yo'lida  yig'ish,  saqlash,  tizimlarga  ajratish  va  ommaviy 
foydalanishga  mo'ljallangan  texnik,  dasturiy,  algoritmik  tillar  va  ularni  tashkiliy  vositalari 
majmuasi. 
 
Axborot texnologiyalari
 - jarayonlarni boshqarishdagi asosiy manba bo'lib hisoblanadi. Ular 
ilmiy  xodim  tomonidan  tayyorlangan  ma'lumotlarni  tizimlarga  ajratish  va  qayta  ishlash  hamda 
kerakli  maqsadlar  bo'yicha  qayta  ishlangan  ma'lumotlarni  uzatish  algoritmlarini  o'z  ichiga  oladi. 
Shuning  uchun  axborot  texnologiyalaridan  ratsional  faydalanish  ilmiy  xodimlar  mehnati 
samaradorligini oshiradi.  
  U  quyidagi  vazifalarni  hal  etishning  optimal  yo'lini  ta'minlab  beradi:  manba  va  unda 
kechadigan  jarayon  to'g‘risidagi  ma'lumotlarni  qayta  ishlash;  jarayonlar  kechishi  haqidagi  davriy 
ma'lumotlarni  muntazam  olib  turish  va  ular  asosida  oraliq  nazoratlar  olib  borish;  ixtiyoriy  joriy 
so'rovlarga  o'sha  paytning  o'zida  javob  olish,  rasmiylashtirish  va  boshqarishga  kerakli  tuzatishlar 
kirita olish. 
  Axborotlashtirish  faqatgina  fan  va  texnika  yutuqi  bo'lmasdan,  balki  ular  ta'lim,  tarbiya, 
san'at,  tibbiyot,  iqtisodiyot,  qishloq  xo'jaligi,  sanoat  va  shu  kabi  sohalarning  rivojlanishida  ham 
doimo muhim omil bo'la oladi. 
  Axborot texnologiyalari va ulardan ratsional foydalanish tufayli insonni ishlab chiqarish va 
ishlab  chiqarish  faoliyati,  uning  kundalik  muloqat  sohasi  dunyo  tsivilizatsiyasi  ishlab  chiqqan 
tajriba, bilimlar va ma'naviy qadriyatlarni jalb etish hisobiga kengayib boraveradi. 
  Zamonaviy hisoblash texnikasi  va aloqa vositalari  asosida axborotlarni  to'plash,  saqlash va 
kerakli  manbalarga  uzatishning  zamonaviy  usullari,  ya'ni  kompyuterlashtirilgan  usullarigacha 
rivojlanib boraveradi. 
Beshinchi  avlod EHM larining paydo bo'lishi, bu sohadagi ishlarni jonlantirib yubordi,  ya'ni 
endigi hayot nafaqat axborotlar, axborot texnologiyalari, balki axborot tizimlarini yaratishni taqozo 
etib  qoldi  va  ulardan  bilimlar  bazalari,  vazifalar,  mantiqiy  xulosalarni  echuvchi  mashina  kabi 
xizmat  tizimlarini  ham  o'z  ichiga  olishini  talab  qilmoqda.  Bu  talablarni  hal  qilish  esa  ijtimoiy 
islohotlarga boqliqdir.