Milliy o`zlikni anglash, millatlararo totuvlikni ta`minlash shaxs ma`naviyati belgilari

2-masala bayoni. Milliy o`z - o`zini anglash bevosita millat tushunchasi bilan bog`liq. Millat nima? Millat deb, muayyan hududiy birligi, til birligi, madaniyatda ko`rinadigan ruhiyat birligi, umumiqtisodiy turmush uyg`unligi va mushtarakligiga ega bo`lgan kishilarning tarixan tashkil topgan birligiga aytiladi. Bu belgilar birdaniga tashkil topgan emas. Dastlab ularning bir va bir necha shakllari kelib chiadi va rivojlanadi. Qabilaviy birlik kelib chiqqan vaqtda hududiy, til, ruhiy va ongiy birliklar shakllangan bo`ladi.

Milliy ong va uning shakillanishi, eng avvalo, milliy uyg`onish negizida ro`y berishi mumkin. Milliy o`z – o`zini anglash nima? Milliy o`z – o`zini anglash kishilarning muayyan millatga mansubligi, milliy tarixi, madaniyati va merosi, urf – odatlari, milliy mohiyati, ruhiyati, iqtisodiyotini bilish demakdir. Milliy o’z-o’zini anglash ilmiy-siyosiy tus olsa va ijtimoiy harakat uchun qo’llanma darajasiga ko’tarilsa, u milliy mafkuraga aylanadi. Milliy mafkura milliy siyosatning yetakchi omili bo’lib xizmat qiladi.

Milliy tuyg’u- o’z millatining milliy ruhi va xarakteri, milliy his- tuyg’ulari, psixikasi ( ruhiyati), temperamenti ( mijozi) va fel atvorlari kabi ma’naviy hodisalarning inson hayotiy faoliyatida namoyon bo’lishidir.

Milliy g’urur iftixor, faxr so’zlariga yaqin turadi, biroq ular bir biridan farq qiladi.Milliy g’urur millatning o’z qavmi yutuqlaridan mamnuniyat hissidir. O’z milliy davlati,o’z konstitutsiyasi,davlat madhiyasi, davlat gerbi,bayrog’i uchun ich –ichidan sevinishi,ko’nglining to’lishi mumkin bo’lishidir.Bu millatning qadr-qimmatini bilish demakdir.O’ta g’ururlanish yoki o’z millatini o’ta kamsitish ham yaxshilikka olib kelmaydi.

Milliy ma’naviy barkamollikning rang-barang qirralari,boy ma’naviy meros va bugungi qadriyatlar milliy iftixor tushunchasida mujassam bo’ladi.Milliy xarakter,milliy tuyg’u, milliyruhiyat, milliy psixologiya bir tartibdagi, bir ma’noli tushunchalardir

Shunday qilib,milliy o’z-o’zini anglash,milliy iftixorO’zbekistonda siyosiy,iqtisodiy,huquqiy islohatlarni yuksak darajada olib boorish sohasida ulkan ma’naviy omil rolini o’taydi.Prezidentimiz Karimov.I.A.” O’zbekiston XXI asr bo’sag’asida” asarida alohida ta’kidlab ko’rsatganidek, o’zbek xalqi ruhini tiklanishi, millat ma’naviy-axloqiy ideallarning shakllanishi chuqur milliylik bilan umuminsoniylik chambarchas bog’liq bo’lgan hodisadir. O’zbekistonda yashayotgan xalqlar, o’ziga xoslikni yo’qotmagan holda, umumiy ruhiyatda, xulq-atvor falsafasiga ega bo’lmoqdalar. Du esa mustaqillik yillari mobaynida millatlararo totuvlik manbayi bo’lib kelgan yagona ma’naviy –ruhiy negizni vujudga keltirdi”.