Milliy istiqlol g‘oyasi va ma'naviyat asoslari” 9-sinf dars mavzusi: O‘zbekiston yagona vatan Darsning maqsadi: Ta’limiy maqsad

«Barkamol avlod» guruhi: – Vatanda yashamoq ulkan baxtdir. Shuning uchun g‘urbatda, begona o‘lkalarda sarson-u sargardon bo‘lgan zotlar Vatan dog‘ini ko‘rsatmasin, deya nola-yu faryod qilgan. G‘ariblik dardini Alisher Navoiy bobomiz quyidagi ruboiysida shunday tasvirlagan:
G‘urbatda g‘arib shodmon bo‘lmas emas,
El anga shafiqu mehribon bo‘lmas emish,
Oltin qafas ichra gar qizil gul bitsa,
Bulbulga tikondek oshyon bo‘lmas emish.
«Komil inson» guruhi: – Ha, to‘g‘ri. Umrining ko‘pi Vatandan yiroqda o‘tgan Zahiriddin Muhammad Bobur bobomiz esa, xuddi shu fikrni tasdiqlagandek, quyidagi misralar bitgan:
Yod etmas emish kishini g‘urbatda kishi,
Shod etmas emish ko‘nglni mehnatda kishi,
Ko‘nglim bu g‘ariblikda shod o‘lmadi, o‘,
G‘urbatda sevinmas emish albatta kishi.

«Barkamol avlod» guruhi: – Vatan ozod va mustaqil bo‘lsa, uning bag‘ri jannat bog‘laridek fayzli, odamlari baxtli bo‘ladi. Shuning uchun Vatanning ozodligi va mustaqilligi uning har bir farzandi uchun jon kabi aziz va muqaddasdir. Inson uchun ona yagona bo‘lgani kabi, Vatan ham yagonadir.
«Komil inson» guruhi: – hurmatli Prezidentimiz: «Vatanga muhabbat hissi odamning qalbida tabiiy ravishda tug‘iladi. Ya'ni inson o‘zligini anglagani, nasl-nasabini bilgani sari yuragida yurtga muhabbat ham shu qadar cheksiz bo‘ladi», – degan edi.
«Barkamol avlod» guruhi: – Yurtboshimiz XX asr so‘ngida xalqimizning istiqlol yo‘lidagi harakatiga bosh bo‘lib, milliy davlatchiligimizni tiklashda, uning jahon hamjamiyatidan munosib o‘rin olishida va huquqiy demokratik jamiyat asoslarini barpo etishda beqiyos xizmatlar qildi. Prezidentimizning izchil va qat’iy siyosati tufayli xalqimiz eng og‘ir vaziyatlarda ham o‘z tanlagan yo‘lidan qaytmadi, yangi asrda yuksak marralarni ko‘zlab olg‘a intilmoqda.
«Komil inson» guruhi: – O‘zbekiston o‘zi uchun demokratik rivojlanish va fuharolik jamiyati qurish yo‘lini aniq-ravshan belgilab olgan va bu maqsad Konstitutsiyamizda muhrlab qo‘yilgan.