Milliy g’oya mazmun mohiyatini yoshlar ongiga singdirishning vositalari

Ma’naviy-ma’rifiy ishlarda o’zgalar fikrini hurmat qilgan holda dalillash, ishontirish, asoslash, munozara olib borish mahorati yuksak bo’lishi zarur. Jamoaviy ijodiy faoliyat ham kuchaytirilishi talab etiladi. Ma’naviy-ma’rifiy ishlar taqdimoti, natijalarini sarhisob va e’lon qilish muhim ahamiyatga ega. Bu esa, kelajakda ma’naviy-ma’rifiy ishlar istiqbolini belgilashda muhim rol o’ynaydi.
Globallashuv jarayonida milliy g’oya va mafkurani yoshlar ongiga singdirishda milliy an’analardan foydalanish zarur. Informastion xurujlar kuchaydi. Shuning uchun informastion xurujlarga qarshi kurashning shakli, mazmuni va turlarini yoshlar ongiga ma’naviy-ma’rifiy tadbirlarda singdirib borish kerak.
Tadbirlarni amalga oshirishda yoshlarning ma’naviy ehtiyojlari va ularni shakllantiruvchi omillar hisobga olinishi kerak. Shunda yoshlarning o’tkazilayotgan ma’naviy-ma’rifiy tadbirlarga qiziqishi ortadi va uning faol ishtirokchisiga aylanadi.
Yoshlar o’rtasida tarbiyaviy ishlarni tashqil etishda davlat va jamoat tashqilotlari hamkorligi imkoniyatlaridan foydalanish zarur. Yoshlar o’rtasida ma’naviy-ma’rifiy ishlarni olib borishda tarbiya ta’sirchanligini oshirish yo’llari va vositalarini qo’llash samara beradi.

• Maktab, litsey, kollej, institut va universitetlarda mafkuraviy tarbiya izchilligini ta’minlash zarur. Mafkuraviy tarbiya yoshlar tarbiyasida ulug’’vor maqsad va vazifalarni o’z oldiga qo’yadi. Shuning uchun bu sohadagi mas’ul xodimlar o’quvchilarni mafkuraviy tarbiyalash mazmuni va o’ziga xos jihatlari, mafkuraviy tarbiyaning uslub va vositalari, mafkuraviy tarbiyaning milliy va xorijiy tajribalari haqida tushunchalarga ega bo’lishlari lozim.

Milliy g’oyaning yoshlar ongiga singdirishida erkin mavzular tanlash va taqdimotini o’tkazishga e’tibor qaratish lozim. Milliy g’oyani targ’ib etishda roliklar, videokliplar, ijtimoiy reklamalar, «Virtual sayohatlar», «multimediya» dasturlaridan foydalanish lozim.
Mamlakatimizning boy tarixiy-ma’naviy merosidan, tarixiy obidalari, muzeylardan foydalanishga ham e’tibor qaratish kerak. Fidoyi insonlar hayoti, dunyoning axborot maydonida bo’layotgan o’zgarishlar, OAV, internet ma’lumotlari haqida to’g’ri tushunchalar shakllantirilishi talablarda to’g’ri xulosalar chiqara olish ko’nikmalarini shakllantirishga zamin yaratib beradi.
Ma’naviy-ma’rifiy ishlarda o’quvchilarda mustaqil fikrlay olish ko’nikmalarini shakllantirishga qaratilgan bahs, munozaralarga alohida e’tibor berish maqsadga muvofiq. Mavzularni iloji boricha hayot bilan bog’lab tashqil qilish yaxshi samara beradi. Yoshlarni milliy g’oya va mafkura ruhida tarbiyalashga qaratilgan ma’naviy- ma’rifiy tadbirlarda Konstitustiya va qonunlar targ’ibotini amalga oshirish usullaridan keng foydalanish zarur.