Миллий иқтисодиётнинг ишлаб чиқариш натижаларини ифодаловчи кўрсаткичлар ва уларни хисоблаш усуллар

5-расм. 2019 йил январь-сентябрь ойларида ЯҲМ ва аҳоли жон бошига ҳисобланган ЯҲМ ўсиш суръатлари (ўтган йилнинг мос даврига нисбатан % да)¹⁹
Ўтган йилнинг декабрь ойига нисбатан 2019 ва 2018 йилларнинг сентябрь ойларидаги умумий истеъмол нархлари индекси қуйидагича тавсифланади: 2019 йилнинг сентябрь ойида озиқ-овқат маҳсулотларининг таъсири 37,9 % (2018 йилнинг сентябридаги 32,1 %га қарши), ноозиқ-овқат маҳсулотлари 31,4 % (39,5 %га қарши), хизматлар 30,7 % ташкил этди (28,4 %га қарши).




6-расм. 2019 йилнинг январь-сентябрь ойларида Ўзбекистон Республикаси бўйича товарлар ва хизматлар асосий гурухлари нархларининг ўзгариши ва уларнинг умумий истеъмол нархлари индекси ўсишидаги фарқи.²⁰
Ўтган йилнинг декабрь ойига нисбатан товарлар ва хизматлар нархидаги ўзгаришларнинг умумий истеъмол нархлари индексининг ўсишига таъсири динамикаси озиқ-овқат маҳсулотлари нархлари томонидан инфляцион босимнинг босқичма-босқич пасайиши билан тавсифланади (таъсири улуши январь ойида 80,0 %дан сентябрь ойида 37,9 %гача пасайган). Салмоғи жиҳатидан ноозиқ-овқат маҳсулотлар нархларининг ўсишива унинг таъсири эса аксинча, жорий йилнинг январь ойида 13,3 %дан сентябрь ойида 31,4 %гача ошди. Хизматлар тарифларининг нархларининг ўсиши ва унинг истеъмол нархлари индексига таъсири улуши 2019 йилнинг январида 6,7 %дан сентябрь ойида 30,7 %гача кўтарилди.²¹

Дастлабки маълумотлар бўйича 2019 йил январь-сентябрь ойларида республика корхоналари томонидан 234,7 трлн. сўмлик саноат маҳсулотлари ишлаб чиқарилган бўлиб, саноат ишлаб чиқариш индекси 107,0 % ни ташкил этди. Жами саноат ишлаб чиқариш ҳажми ўсишининг асосий омили бўлиб, ишлаб чиқарадиган (қайта ишлаш) саноатида ишлаб чиқариш ҳажмининг 8,9 % га (жами саноат ишлаб чиқариш ҳажми ўсишига қўшган ҳиссаси 6,5 ф.п.), тоғ-кон саноати ва очиқ конларни ишлашнинг – 1,9 % га (0,3 ф.п.), электр, газ, буғ билан таъминлаш ва ҳавони кондициялашнинг – 1,1 % га (0,1 ф.п.) ва сув билан таъминлаш, канализация тизими, чиқиндиларни утилизация қилишнинг – 6,2 % га (0,1 ф.п.) ўсиши ҳисобланади²²