Миллий истиқлол ғояси ва маънавият асослари курси бўйича электрон ўқув дарслик

Хулоса

• Ҳурматли тингловчилар! Сиз танишиб чиққан электрон ўқув дарслик ҳозирги даврнинг долзарб муаммо ва мавзуларини ёритишга бағишланган. Айни пайтда уни тайёрлашдан кўзланган мақсад ушбу фанни ўқитиш жараёнида замонавий педагогик технология усуллари ва компьютер техникаси имкониятларидан кенг фойдаланган ҳолда, бу борада олиб борилаётган тарғибот-ташвиқот ишларининг таъсирчанлиги ва самарадорлигини ошириш ҳамдир. Зеро, ёш авлодни Мустақиллик ғоялари ва қадриятларига содиқлик руҳида тарбиялашда миллий истиқлол мафкураси ғоя ва тушунчалари ҳамда тамойилларини халқимиз онги ва қалбига чуқур сингдириш маънавий-маърифий ишларимиз олдида турган долзарб вазифалардан биридир. Шу аснода турли ёт ва зарарли оқимлар, уларнинг реакцион қараш ва назарияларига зарба бериш негизида кишиларда зарур мафкуравий иммунитетни шакллантирмасдан туриб, таълим-тарбия жараёнида амалга оширилаётган ишлардан кўзланган мақсадга эришиши қийин. Ўйлаймизки, мазкур электрон ўқув дарслик ана шу мақсад ва вазифаларни бажариш учун яқиндан ёрдам беради. У миллий истиқлол ғояси ва маънавият асослари фани бўйича ўқув машғулотлари ўтиш билан бирга, аҳолининг турли қатламлари орасида олиб бориладиган маърифий тарғибот-ташвиқот ишларини самарали ўтказиш ва ташкиллаш учун ҳам мўлжалланди.Электрон ишланма бу борада амалга оширилган дастлабки уриниш бўлганлиги боис, айрим жузъий нуқсон ва камчиликлардан ҳам холи бўлмаслиги табиий. Шунинг учун электрон ишланма тўғрисидаги фикр-мулоҳазаларингизни билиш, ўйлаймизки, биз учун келгусида ушбу йўналишдаги ишларни янада мукаммал ҳолда тайёрлаш учун асқотади. Барча фикр-мулоҳазалар учун олдиндан миннатдорчилик билдириб қоламиз.

Эътиборингиз учун раҳмат!

• Мазкур электрон ўқув дарслик тўғрисидаги фикр-мулоҳазаларингизни кутиб қоламиз.