Millat ma’lum bir hududda tarixiy taraqqiyot davomida yashab kelgan kishilarning ma’naviy-ruhiy birligi asosida shaklanadi, shunday ekan u insoniyat taraqqiyotining o’byektiv mahsulidir

Xavfsizlik, millatlararo totuvlik va diniy bag`rikenglikni ta’minlash hamda chuqur o`ylangan, o`zaro manfaatli va amaliy tashqi siyosat” deb nomlanishi, shuningdek, aynan millatlararo tutuvlikka oid 2019 yil 15 noyabrda 5876- son bilan imzolangan, “Millatlararo munosabatlar sohasida O`zbekiston Respublikasi davlat siyosati konsepsiyasini tasdiqlash to`g`risida”gi Prezident farmonini misol sifatida keltirish mumkin.
Qayerdaki millatlararo totuvlik g`oyasining ahamiyati to`g`ri anglanmas ekan, jamiyat hayotida turli ziddiyatlar, muammolar vujudga keladi. Bugungi kunda dunyoning ayrim davlatlarida yuz berayotgan milliy nizolar shundan dalolat berib turibdi. Mana shunday noxush holatlarni oldini olish uchun avvalo yosh avlodni to`g`ri tarbiyalamog`imizlozim bo`ladi. Bunda bizga boy tarixiy merosimiz yordamga keladi.

Har bir millatning tarixiy merosi o`sha millat tomonidan yaratilgan moddiy-ma’naviy va boshqa barcha turdagi merosni qmrab oladi. Ularning ayrinlari umumjahon harakterga ega bo`lsa, qolganlari shu millat e’tiboridagi meros sanaladi. Tarixiy meros millat taraqqiyotining turli tarixiy bosqichlarida vujudga kelib, millatning o`zi bilan bog`liq boylik hisoblanadi. Ana shu tarixiy meros orqali o`quvchi yoshlarimizni o`zlaridan boshqalarni millati, kelib chiqishi, ijtimoiy mavqeidan qat’iy nazar hurmat qilishlarini o`rgatishimiz lozim.

O`quvchi yoshlarni ruhiyatining rivojlanishida balog`at davri muhim bosqich hisoblanadi. Bu davda atrof-muhitga munosabatda barqarorlik belgilari namoyon bo`la boshlaydi. Shaxsiy harakter shakllanadigan ushbu bosqichda ular ongi va shuuriga burch, vijdon, mas’uliyat, o`zini va boshqalarni hurmat qilish hislatlarinin turli ma’rifiy va ma’naviy usullardan foydalangan holda singdirish lozim. O`quvchi yoshlarning tarbiyasida oila, davlat va jamoat tashkilotlari imkoniyatlaridan unumli foydalanish lozim. Dastlab oila tarbiyasiga katta ahamiyat berishimiz darkor. Chunki bola hayotining barcha bosqichlarida oila ta’sirida bo`ladi. Shuningdek, ta’lim-tarbiya muassasalarida ham millarlararo totuvlikka oid tarbiyaviy ishlar izchilligini ta’minlash zarur.

O`zbekistonda bolalarni faqatgina ota-ona emas, balki qarindosh- urug`lar, qo`ni-qo`shnilar, mahalla-kuy ham tarbiyalaydi, degan mazmundagi naql bor. Shunday ekan, o`quvchi yoshlar ongiga va qalbiga millatlararo totuvlikni singdirish faqat ijtimoiy-gumanitar soha vakillarining vazifasi bo`lib qolmasdan, balki barcha ta’lim va tabiyaga taalluqli bo`lgan jamiyatimiz a’zolarining vazifasi hamdir.

1^ Qarang: Falsafa qomusiy lug`at. T.: 2004y. 261-bet.

1^ Qarang: Falsafa qomusiy lug`at. T.: 2004y. 262-bet.

2^ Qarang: Milliy istiqlol g`oyasi. Darslik. T.: 2015y. 136-bet.

1^Qarang: UzA.uz saiti

1^Qarang: Sh. M.Mirziyoyevning BMT ning 75-sessiyasidagi nutqidan.

1^ Qarang: Sh.Mirziyoyev. Milliy taraqqiyot yo`limizni qat’iyat bilan davom ettirib, yangi bosqichga ko`taramiz, T.: “O`zbekiston”, 2017y.