Mikrokreditbank

Сертификат – Uzbekcoders.uz сайти орқали «Бир миллион дастурчи» лойиҳаси доирасида ўқув курсларини муваффақиятли тугатган ёшларга бериладиган ҳужжат.
Маълумотнома — Ўзбекистон Республикаси Ёшлар ишлари агентлиги томонидан бериладиган, банкдан ажратилган кредитларга ҳисобланган барча фоизлар Ёшлар ишлари агентлигининг Ёшларга оид давлат сиёсатини қўллаб-қувватлаш жамғармаси томонидан қоплаб берилишига асос бўлувчи ҳужжат.
Ёшлар ишлари агентлиги – Ўзбекистон Республикаси Президентининг 2020 йил 30 июндаги ПФ-6017-сонли “Ўзбекистон Республикасида ёшларга оид давлат сиёсатини тубдан ислоҳ қилиш ва янги босқичга олиб чиқиш чора-тадбирлари тўғрисида” ги фармонига мувофиқ ташкил этилган ва ёшларга оид давлат сиёсатини янги босқичга олиб чиқиш, ёшлар соҳасидаги муаммоларга самарали ечим топиш, уларни ҳар томонлама қўллаб-қувватлаш, шунингдек, ваколатли органлар фаолиятини самарали ташкил этиш ҳамда мувофиқлаштиришни амалга оширувчи юридик шахс мақомига эга давлат бошқарув органи (кейинги ўринларда – “Агентлик”).
Компенсация - «Бир миллион дастурчи» лойиҳаси доирасида ўқув курсларини муваффақиятли тугатган ва сертификат олган ҳамда компьютер (шу жумладан, Ўзбекистон Республикасида ишлаб чиқарилмаган) харидлари учун (базавий ҳисоблаш миқдорининг 25 бараваридан кўп бўлмаган миқдорда) истеъмол кредити олган ёшларнинг кредитлари бўйича фоиз тўловларининг тўлиқ Ўзбекистон Республикаси Ёшлар ишлари агентлигининг Ёшларга оид давлат сиёсатини қўллаб-қувватлаш жамғармаси (кейинги ўринларда – “жамғарма”) орқали қоплаб берилиши.


II. ШАРТНОМА ПРЕДМЕТИ
2.1. Мазкур шартнома шартларига мувофиқ, Томонлар “Бир миллион дастурчи” лойиҳаси доирасида ўқув курсларини муваффақиятли тугатган ва сертификат олган ёшлар (ўн олти ёшга тўлмаган шахс номидан мурожаат қилган унинг қонуний вакили) га компьютер харидларини амалга ошириш учун истеъмол кредити ажратилганда Банк ва Қарздор ўртасида юзага келадиган ўзаро муносабатлари тартиби ва шартларини белгилайди.
2.2. Шартнома томонларнинг ўзаро манфаатларига асосланади.