Mikrokreditbank” bankining faoliyati Reja

Mikrokreditbank” bankining kredit bo’limi haqida

Mikrokreditbank o‘z faoliyatini kichik biznes va xususiy tadbirkorlikni rivojlantirish, yakka tartibdagi mehnat faoliyatini, oilaviy biznes va kasanachilikni faollashtirish yo‘li bilan yangi ish o‘rinlarini yaratish, ayniqsa qishloq joylarda aholi keng tabaqalarining mikromoliyaviy xizmatlardan bahramand bo‘lishini ta’minlash uchun moliyaviy mablag‘lar berishni yanada kengaytirishga qaratib kelmoqda.
Bank mamlakat iqtisodiyotining real sektorini kreditlashda faol qatnashib, kredit portfeli hajmini muntazam oshirib bormoqda. Hisobot yilida bank kredit portfeli 2016 yilga nisbatan 21,8 foizga o‘sgan holda, 1 286,0 mlrd. so‘mga etdi, uning jami aktivlardagi ulushi 73,8 foizni tashkil etdi Kredit portfeli tarkibida uzoq muddatli kreditlarning hajmi 23,3 foizga oshib, 1 119,2 mlrd. so‘mni tashkil etdi va umumiy kredit qo‘yilmaning 87 foiziga to‘g‘ri keldi. 2017 yilda ajratilgan investitsion kreditlar o‘tgan yilga nisbatan 26,5 foizga oshgan xolda 566,7 mlrd. so‘mni tashkil etdi.
Xususan, kichik biznes sub’ektlariga barcha moliyalash manbaalari hisobidan 2017 yilda 34 767 ta mijozga jami 665,2 mlrd. so‘m kredit ajratildi va 40 841 ta ish o‘rinlari yaratildi. 2017 yilda 34 023 ta mijozga 313,9 mlrd. so‘m
mikromoliyaviy xizmatlar ko‘rsatilib, 20 901 ta yangi ish o‘rinlari yaratildi
O‘zbekiston Respublikasi Prezidentining 2017 yil 17 noyabrdagi “Hunarmandchilikni yanada rivojlantirish va hunarmandlarni har tomonlama qo‘llab-quvvatlash chora-tadbirlari to‘g‘risida”gi PF-5242-sonli farmoni ijrosini ta’minlash maqsadida 2017 yil yakuniga qadar 603 ta hunarmandlarga 16,5 mlrd.so‘m miqdorida kredit mablag‘lari ajratildi.
O‘zbekiston Respublikasi Vazirlar Mahkamasining 2017 yil 20 oktyabrdagi “Kam ta’minlangan oilalarni bandlik bilan ta’minlash uchun tijorat banklari tomonidan mikrokreditlar ajratish tartibi” to‘g‘risidagi 857-sonli qaroriga asosan 2017 yilda 1067 ta kam ta’minlangan oilalarga 5 670,4 mln.so‘m miqdorida kredit mablag‘lari ajratildi