Mikrobiologiyada laboratoriya mashg’ulotlari

 Kerakli  asbob  va  reaktivlar:  Avtoklav,  quritish  shkafi,  Kox 
apparati, kolbalar,  suv hammomi, elektr plita, voronkalar, probirkalar 
va  Petri  likobchalari,  Paster  naychasi,  mikrobiologik  sirtmoq, 
idishlarni o'rash uchun qog'oz, paxta, oziqa muhitlar, shpris va ninalar. 
 
Sterillash  mikrobiologiya  amaliyotida  eng  muhim  jarayon 
hisoblanadi.  Sterillash  lotincha  "sterilis"  so'zidan  olingan  bo'lib, 
"pushtsizlantirish"  degan  ma'noni  bildiradi.  Amaliyotda  sterillash,  bu  
olingan ob'ektni ustidagi va ichidagi barcha tirik organizmlardan xalos 
etish 
degani. 
"Sterillash" 
so'zi 
absolyut 
sterillangan 
yoki 
sterillanmagan  degan  ma'noni  bildiradi,  bunda  "qisman"  yoki  "to'liq 
sterillanmagan",  "sterillanganga  yaqin",  "deyarli  sterillangan"  degan 
ma'nolarni bildirmaydi. 
Sterillashning  termik  va  sovuq  usullari  bor.  Mikrobiologiyada 
termik sterillashning quyidagi usullari qo'llaniladi: alangada kuydirish 
va qizdirish, quruq (issiq havo bilan) sterillash, bosim yordamida bug' 
yordamida  sterillash  (avtoklavlash),  pog'onali  sterillash  (tindallash), 
qaynatish.  Sovuq  sterillashdan  filtrlash,  gaz  hosil  qiluvchi  moddalar 
bilan  sterillash,  ultrabinafsha  nurini  ta'sir  ettirish  va  boshqalardan 
foydalaniladi. 
Sterillash usullarini tanlashda olingan ob'ektning fizik-kimyoviy 
xususiyati va tadqiqotning oldiga qo'ygan maqsadi e'tiborga olinadi. 
Sterillash  -  mikroorganizmlar  va  ularning  turli  materiallardagi 
sporalarining  to'liq  yo'q  qilishdir.  Sterillash  bir  necha  usullar 
yordamida:  fizik  (yuqori  harorat,  ultrabinafsha  nuri    bilan),  mexanik 
(mikroorganizm  hujayralarini  filtrda  ushlab  qolish)  va  kimyoviy 
usullar bilan amalga oshiriladi.