Mikrobiologiyada laboratoriya mashg’ulotlari

Immersion  ob'ektiv  bilan  ishlash.  Mikroskopning  immersion 
ob'ektivi (V=90x; A=1,25) bilan ishlash vaqtida ko’zguni yassi tomoni 
qaratiladi va kondensor ko’tariladi. 
Immersion  suyuqlik  (kedr  moyi)  preparat  ustiga  tomizilganda, 
uni buyum oynasiga surtib yuborilmaydi. Immersion suyuqlikka faqat 
immersion  ob'ektivni  botirish  mumkin.  Immersion  suyuqlikka  frontal 
linzani botishini yon tomonidan kuzatiladi. 
Makrovint  fokusga  to’g’rilab  olingandan  so’ng,  ish  jarayonida 
asosan faqat mikrovint bilan ishlanadi. 
Immersion  suyuqlik  (kedr  moyi)  maxsus  og’zi  germetik 
berkitilgan  shisha  flakonlarda  saqlanishi  kerak.  Shisha  flakon 
qopqog’ida  uning  tagigacha  yetadigan  shisha  tayoqchasi  bo’lishi 
kerak.  Bu  tayoqcha  yordamida  immersion  moy  preparat  ustiga 
tomiziladi.  Ish  tugagandan  so’ng  obe'ktiv  ksilol  yoki  tozalangan 
benzin bilan yaxshilab artiladi.