Mikrobiologiya va virusologiya

 
Mikoplazmalar
. Mikoplazmalar polimorf, turli shakldagi mikroorganizmlar, nihoyatda 
mayda, haqiqiy bakteriyalardan hujayra devori yo‘qligi bilan farqlanadi. Ko‘pincha harakatsiz, 
sporalar hosil qilmaydi, bakteriologik filtrlardan o‘tib ketadi (0,1 - 0,2 mkm va undan kichik). 
Mikoplazmalar orasida saprofit va parazit formalari bor. Hayvonlarda turli - tuman 
kasalliklarni vujudga keltiradi. Ularni 10 – 20 % ot qonining zardobi qo‘shilgan qattiq oziq 
muhitlarida o‘stirish mumkin. Suyuq oziq muhitlarda mikoplazmalar kokkisimon, yulduzsimon, 
disksimon, ipsimon va boshqa shaklli bo‘lib, qattiq oziq muhitlarda esa o‘rtasi qora mayda 
koloniyalarni hosil qiladi. Bergi mikoplazmalarni prokariotlar olamining mikoplazmalar bo‘limiga 
ajratadi. 
Mikoplazmalarga bakteriyalarning L-shakllilari yaqin turadi. Bu bakteriyalarni tajriba yo‘li 
bilan ham olish mumkin, buning uchun bakteriyalarga penitsillin bilan ta’sir etiladi.
Mikoplazmalar ichida yaxshi o‘rganilgani erkin holda hayot ke-chiradigan