Mikrobiologiya va immunologiya

Revmatizm  qo‘zg‘atuvchisi.  Revmatizmni  A  guruhmga  mansub  beta-gemolitik 
streptokokk  qo‘zg’atadi.  Bemorning  tomog‘idan,  qonidan  ko‘pincha  streptokokk 
ajratib  olinadi.  Ularning  zardobida  turli  omillar:  antistreptolizin  va  gemolitik 
streptokokkning M-oqsiliga qarshi antitelolar hosil bo‘ladi.  
 
Revmatizm  patogenezida  organizmning  allergik  holati  muhim  rol  o‘ynaydi. 
Organizmga  qaytadan  streptokokkning  ekzo-  va  endotoksini,  antigenlarining 
tushishi  revmatizmni keltirib chiqarishi  mumkin.  Kasallikning birinchi bosqichida 
tonzillit  va  faringitlar  paydo  bo‘lib,  so‘ng  o‘tkir  davri  va  organizmning 
sensibilizatsiyasi  boshlanadi.  Keyinchalik  organizmda  o‘ta  sezuvchanlik  holati 
rivojlanadi,  natijada  revmatizm  poliartriti,  yurakning  muskul  to‘qimasi  va 
klapanlarining jarohatlanishi kuzatiladi. 
 
Kasallikning patogenezida autoimmun jarayonlarining ahamiyati ham katta. 
Immuniteti. Kasallikdan so‘ng organizmda turg‘un va uzoqqa etadigan immunitet 
hosil  bo‘lmaydi,  shuning  uchun  kasallik  surunkali  kechadi  va  vaqti-vaqti  bilan 
qaytalanib turadi.