Mikrobiologiya va immunologiya

«Kolibakterioz, salmonellozni laboratoriya diagnostikasi» mavzusidagi
laboratoriya ishining (2-soat)


p a s p o r t i

mashg’ulotning maqsadi: Kolibaketrioz va salmonellozga laboratoriyada diagnoz qo’yish usullarini o’rganish.

Kerakli jihoz, reaktiv va asbob uskunalar: GPB, GPA, Endo muhitlarida, E.coli kulturalari, steril GPA, GPB, GPJ, vismut-sulfitli agar, Paster pipetkalari, qaychi, skalpel, pinset, predmet oynachalari, pat.material, agglyutinasiyalovchi zardoblar, kyuveta, bo’yoqlar komplekti, mikroskop.


Kolibaketrioz va salmonellozga laboratoriyada diagnoz qo’yish uchun quyidagi tekshirish usullari qo’llaniladi:

1. 
   Mikroskopik
   
2. 
   Bakteriologik
   
3. 
   Biologik
   
4. 
   Serologik
   

Adabiyotlar:
1. Shapulatova Z.J. Mikrobiologiya fanidan ma’ruzalar matni. Samarqand, 2017 y.
2. Shapulatova Z.J. Mikrobiologiya fanidan o’quv qo’llanma (amaliy va laboratoriya mashg’ulotlari). Toshkent, 2013 y.

3. Carter. G. R darla J. Wise Essentials of Veterinary Bakteriology And Mycology Sixth Edition 2004 y.

4. кисленко В.Н., Колычев Н.М., Суворина О.С. Ветеринарная микробиология и иммунология. Часть 3, М.2007 г.
5. кисленко В.Н., Колычев Н.М., Ветеринарная микробиология и иммунология. Часть 1, Обшая микробиология. М.2006 г.
Tuzuvchilar:

Dotsent Shapulatova Z.J.

Assistent Ruzikulova U.X.
4-Mavzu: Kolibakterioz, salmonellozni laboratoriya diagnostikasi
Qo’zg’atuvchisi E. coli Escherichia avlodiga mansub. Yosh hayvonlarning o’tkir kechuvchi yuqumli kasalligi bo’lib, kuchli ich ketish, holsizlanish va o’lim bilan xarakterlanadi. Uch shaklda namoyon bo’ladi-septik, entero toksemik, enterit. Buzoqlar bir necha kunligida, cho’chqa bolalari hayotining birinchi kunlarida, sutdan ajratilgandan keyin – shish kasalligi belgilari bilan, qo’zilar tug’ilgandan 5 – 6 oylik yoshigacha kasallanadi.
Chidamliligi. Quritilgan oqsilli muhitda hayvon ahlatida, shilimshiq moddalarda, qonda ichak tayoqchalari oylab yashay oladi. Qizdirishga uncha chidamli emas, 60^oC da 15 daqiqada, 100^oC da shu onda o’ladi. Ko’pgina dezinfeksiyalovchi moddalar – formalin, fenol, o’yuvchi natriy, ohak ularga kuchli ta’sir qiladi. Suv va tuproqda bir qancha oygacha saqlanadi. Pensillinga chidamli.
Patogenez. Sog’lom bo’lib tug’ilgan yosh hayvon ichagining shilliq pardasi mikroorganizmlarning o’tishiga keskin to’sqinlik qila oladi. Agar yosh hayvon nimjon bo’lib tug’ilsa, uning himoya vositasi juda pasayadi va unga tushgan patogen mikroorganizm shilliq pardadan o’tib ketadi.
Kasallik to’satdan tana haroratining ko’tarilishi bilan boshlanib, yurak urishi, nafas olish tezlashadi. Kasal hayvon yotadi, tumshuqlari quruq bo’lib, ko’z shilliq pardalari qontalashadi. 1-2 kun o’tgach, septik holatga enterit qo’shiladi. Ich suvdek ketadi, unga ko’piksimon, havo pufakchalari aralashgan, oq-ko’kimtir rangda, achimsiq hidli bo’ladi. Hazm bo’lmagan sut ich ketganda laxta-laxta suzmasimon bo’lib o’tadi. Shilimshiq suyuqlik va qon aralash holatda ich ketishi kuzatiladi. Qorin bo’shlig’i ushlab ko’rilganda og’riq seziladi. Ich ketishi to’xtashi bilan harorat tushadi. Ishtaha yo’qoladi. Bo’ynini yoniga tashlab biqiniga tirab yotadi. Ko’zlar cho’kib, jun o’zining yaltiroqlik tabiiy holatini yo’qotadi. Terida yopishqoq ter qotib qoladi va sassiq hid taratadi.