Microsoft Word vijdon azobi ziyouz com doc

www.ziyouz.com kutubxonasi 

10

- Qani chiqing, chiqib keting, bu yerdan chiqing, chiq... - deya yig'lab yubordi. Hozir 

o'g'limning uyida ekan, butunlay yotib qolibdi. O'g'limni ogohlantiribdi: 

- Agar uni ichkariga qo'ysang, senga bergan sutimga rozi emasman! Hullas, Malak 

jon chiqar holda ham meni ko'rishni istamaydi. Nasrin tufayli Malagimga jahannam 

azoblarini soldim... Vijdon azobidan qutulolmayapman. Allohga:" Jonimni ol", deb 

yolvoraman. Lekin Allohga Malakka qilgan zulmimning hisobini qanday beraman. Nasrin 

deb vayron etdim Malagimni... Jigarim eziladi, quvuriladi... Amina qizim! Yozing, mening 

jirkanch ahvolimni, toki, shahvat deb oilalarini buzayotgan farzandlarimizga ibrat 

bo'lsin!Sizga yuragimni bo'shatdim. Jurnalda yoritmasangiz ham mayli, biroz 

tinchlandim. Hech bo'lmasa orqamdan tupuradiganlar topilar. Bolam yig'lab yozdim, 

qanday yozildi, bilmayman, hatoilarimni tuzatarsiz. Keyin Rajab o'g'limga jo'natarsiz... 

Jurnalni Malagimga o'qib berar, hech bo'lmasa 30 yil uni deb yig'laganimni bilar. Yozing 

bolam bu keksa kishini vijdon azobini yozing. Bu shunday vijdon azobiki, bundan ko'ra 

itday o'lib ketganim bayram edi. Qizim, vaqtingizni oldim, boshingizni qotirdim. Allohga 

omonat bo'ling. Meni duo qiling. Meni qanday davo tuzatishini bilmayman. Balki siz 

bilarsiz, men cholga yordam bering...  

Aminadan javob: Muhtaram ulug'imiz! Og'amiz! Meni yig'latgan "doston"ingizni biroz 

qisqartirish bilan e'lon qilmoqdamiz. InshaAlloh, Malak honim ham o'qib sizni kechirar, 

kechirishlari ham kerak... Chunki bu qayg'u alamlar gina adovatlar bu dunyoda ham 

ohiratda ham foydasiz, aksincha juda zararlidir. Ham nechun avf etmasinlarki, Hazrati 

Oisha(r. a. )onamiz Rasululloh s. a. v. ni sevganlaridan ham ko'proq sevarmidilar... . 

Volidamiz o'sha buyuk zotni boshqa volidalarimiz bilan bo'lishardilar, shuni Malak honim 

ham bir o'ylab ko'rsalar yahshi bo'lardi... . Ko'rardilarki, bu u qadar jiddiy tus 

beradiganvoqea emas. Ha o'rtada Islom shuuri bo'lmaganda qilingan hato va hiyonat... 

ammo hatolarni hatto Alloh j. j. kechiradi, agartavba haqiqiy bo'lsa. Sizning hatoyingiz 

Islomiy yashamaganingiz va Islomni bilmaganingiz oqibatidir. Malak honim hamayni 

holdalar... Ular Islomni bilib yashasalar, Allohga taslim bo'lib bo'lsalar har yahshilik va 

har yomonlikni Allohga havola eta bilsalar edi, o'shanday mudhishlikka tushmasdilar. 

Hech bir narsaga kech qolinmaydi. O'limkelmasdan ko'p narsaga ulgursa bo'ladi. Siz 

pushaymonsiz, tavba qiling Yaratganga sig'ining... Sizni bahtli qila oladigan sabablarni 

faqat Alloj yarata oladi. Malak honim ham Allohga sig'inib, Alloh avf etuvchilarga va'da 

etgan mukofatga erishsinlar.