Microsoft Word uylanish odobi ziyouz com doc

www.ziyouz.com kutubxonasi 
51
Меъда ва егуликлар борасида мурид учун тўрт вазифа бор: 
 
Биринчи вазифа. Фақат ҳалол озиқ-овқат тановул қилиши керак. Чунки ҳаром еб ибодат 
қилмоқ - денгиз тўлқинлари устига иморат қурмоқдир. Ҳаром ва ҳалол бобида таквонинг 
даражаларини ва амал қилиши лозим бўлган хусусларни айтиб ўтдик. 
 
Иккинчи вазифа. Ҳалол егуликларни ҳам камайтириш ва риёзат йўлига кирар экан, 
босқичма-босқич ҳаракат қилиш зарур. Чунки, кўп ейишга ўрганиб қолган киши бирдан 
озуқланишни тўхтатса, унинг мижози бунга сабр-тоқат қилолмайди ва заифлашиб қолади, 
изтироблари кўпаяди. Шунинг учун егуликларни секин-секин камайтириб бориш керак. 
Риёзатнинг тўрт даражаси бор: 
Ўз ҳаётини давом эттира оладиган микдорда ейиш ва зиёдасини тарк этиш риёзатнинг 
биринчи даражасидир. 
Бу - энг афзал даражадир. Бу даража сиддикларнинг даражасидир. Саҳли Тустарий 
Ҳазратлари шу йўлни танлаган эдилар. У зот фикрича, риёзат чеккани учун кучдан қолиб, оёқда 
туриши қийинлашган киши намозини ўтирган жойида ўқиши мумкин. Чунки очлик сабабли 
заифлик билан ўтириб ўқилган намоз кўп еган, тўқ ҳолда оёқда ўқилган номоздан 
фазилатлироқдир. 
 
Риёзатнинг иккинчи даражаси. 
Бир кеча-кундуздаги егуликлар миқдори 460 гр бўлиши. Ҳазрати Умар (р.а.) бу йўлни 
танлаб афзал кўрганлар. Бу - қарийб меъданинг учдан бирини тўлдирадиган миқдор ёҳуд саккиз 
ё тўққиз луқма миқдоридадир. 
Риёзатнинг учинчи даражаси. 
Бир кеча-кундуздаги егулик миқдори 920 гр бўлиши. Бу меъданинг учдан икки кисмини 
тўлдиришга яқин миқдордир. 
Риёзатнинг тўртинчи даражаси. 
Бир кеча-кундуздаги егулик микдори 1000 гр атрофида бўлиши. Абу Зар (р.а) шундай 
деганлар: 
«
Расулуллоҳ (с.а.в.) орамизда пайтларида менинг егулигим ҳафтада уч кило миқдордаги 
арпа эди. Қасамки, ўлгунимча бу миқдорга ҳеч қўшимча қилмайман. Чунки мен 
Расулуллоҳнинг (с.а.в.) шундай деганларини эшитдим: