Microsoft Word Tursunboyev S. O'zbek teatri tarixi. Majmua

 
MAKSIM KARIMOV ASARLARI HAQIDA IKKI SHARH 
«Qalam  qoshligim»  Maksim  Karimovning  birinchi  dramatik  asari  bo’lib,  avtorning 
dramaturgiyaga yangi g’oya, yangi intilishlar bilan kirib kelganini namoyish qildi. 
Asar  jo’shqin,  haroratli  va  samimiy  yozilgan.  Unda  hayotiy  kuzatishlar,  inson  va 
jamiyat  haqidagi o’y va  fikrlar o’z aksini topgan. Unda  fikrlar qaynab, tuyg’ular qulf urib 
turadi. O’zining dastlabki dialogi bilanoq asar o’quvchini o’ziga rom qilib qo’yadi. 

---

Yosh  dramaturg  o’lmas,  dunyoviy  mavzuni  yangicha,  chuqur  talqin  etishga  intilgan. 
Pyesada  sevgi  va  sadoqat  masalasi  vijdon  va  burch,  axloq  va  odob,  maslak  va  grajdanlik 
masalalari bilan bog’liq holda talqin etiladi. 
Asar  qahramonlari  muhabbat  va  vijdon  pokligi  uchun  kurash  olib  boradilar. 
Dramaturgning talqinicha, muhabbat ikki dilning bir-biriga intilishi, visol orzusigina emas, 
chin  muhabbat  —  bu  qarashlar  birligi,  hissiyot  va  tuyg’ular  tutashligidan  mavjud 
bo’ladigan misli yo’q insoniy fazilatdir. 
Muhsin Qodirov.
 «Sehr va mehr». 
G’afur G’ulom nomidagi Adabiyot 
va san’at nashriyoti. 
1980-y. 92-bet. 
 
M. Karimovning «Diydor» pyesasi asosida yaratilgan birinchi spektakl yangi soz bilan 
chalingan  nodir  kuy  bo’ldi.  To’g’ri,  uning  avjlari  muallif  qalbimizni  biz  istagancha 
to’lqinlantiradigan  pardaga  ko’tarolgan  emas,  ammo  asari  ko’ngilga  surur  baxsh  etib, 
fikrimizni  o’yga  toldiradigan  jihatlarining  o’zi,  badiiy  ifodada  yangi  yo’llarni  izlash  — 
muallifning  jiddiy  yutuqlaridan  dalolat  beradi.  M.  Karimov  mavzu  va  voqealar  oqimi 
bayonida noaniqliklarga yo’l qo’ysa-da, xarakterlarni chizishda qator afzalliklarga erishgan. 
U  o’z  qahramonlarining  qalbi  va  ruhiga  kirib  borishni,  sirli  va  pinhoniy  kechinmalarni 
ochishni  istaydi.  Unga  mantiqan  xos  yo’l  va  kalitlar  izlaydi.  Shuning  uchun  ham  M. 
Karimovning  qahramonlari  ko’pincha —  ma’naviy  boy  bo’lib  chiqadilar...  Agar  teatrning 
badiiy  rahbari  («Yosh  gvardiya»  teatri  —  S. T.)  Ergash  Masafayev  M. Karimov  ijodida 
o’ziga  yaqinlikni  sezib,  uni  sahnaga  olib  chiqqan  va  birinchi  pyesasi  «O’n  sakkiz 
yoshligim»  misolida  badiiy  tugal  spektakl  yaratgan  bo’lsa,  bu  ishni  u  Shirin  singari 
san’atkorlar kuchiga tayanib qildi.