Microsoft Word Tursunboyev S. O'zbek teatri tarixi. Majmua

YAYRA ABDULLAYEVA NODIRA ROLIDA 
 
Nodirabegim — buyuk insonparvar, mutafakkir shoira, malika, mehribon, mushfiq ona 
ham!  Yayraxon  ijrosida  Nodirabegimning  serqirra  faoliyati,  odamiylik  fazilatlari  spektakl 
davomida  dinamik  tarzda,  voqealar  silsilasiga  va  xarakteriga  monand,  sahnama-sahna 
namoyon  bo’la  boradi.  Yayraxonim  bu  fazilatlarga  mahorat  bilan  hayotiy  jilo  beradi. 
Chunonchi, Nodirabegim — ijodkor. Shoira ijodni va ijodkorlarni yuksak qadrlaydi. Uning 
Uvaysiy,  Xoziq,  Mahmur,  Gulxaniy  va  Olima  otinlar  bilan  bo’lgan  iliq,  mehrparvar 
munosabati, ularga bo’lgan ehtiromi, samimiy g’amxo’rligi, qator sahnalarda Nodirabegim 
shaxsiyatiga xos fazilatlar bo’rtib turadi. 
Nodirabegim  qudratli  iroda,  shijoat  va  jasorat  sohibasi.  Unga  xos  bunday  savlat  va 
salobat  Amir  Nasrullo  bilan  uchrashuv  kartinasida  o’zining  yorqin  ifodasini  topgan. 
Nodirabegim  o’z  farzandlariga  ham,  shuningdek,  el-ulus  farzandlariga  ham  mehribon, 
munis  ona.  Bunday  nodir  insoniy  xislatlar  Nodirabegimning  farzandlari  bilan  bo’lgan 
munosabatlarida  zamon,  tarixiy  sharoit  va  siyosat  taqozosi  bilan  ular  orasida  vujudga 

---

kelgan  ziddiyatlar  borasida  chekkan  aziyat  va  iztiroblarida  ayon  ko’zga  tashlanadi,  najot 
yo’lini axtaradi, topolmaydi. 
Muhsin Zokirov
, Yong’in Mirzo. «Ona yuragida mehr va nafrat» 
«O’zbekiston madaniyati», 1980-yil, 27-iyun.