Microsoft Word Tursunboyev S. O'zbek teatri tarixi. Majmua

 
O’ladi. Muqanna yig’laydi. Uning yuzidan o’padi. 
 
M u q a n n a. Guloyinim, yurak bag’rim, ko’zing och,  
 
Butun jahon senga mushtoq, nazar soch.  
 
Ko’pni ko’rib ado bo’lgan bu olam,  
 
Sendan bugun ajratolmas sira ham.  
 
O’lmak uchun sen tug’ilgan emassan,  
 
Zax tuproqning bag’riga sen uvolsan.  
 
Nahotki sen bir umrga ko’z yumsang,  
 
Nahotki sen, og’ir uyquga cho’msang  
 
Va nahotki sening toza gul taning 
 
Bukun bo’lsa qora tuproq bilan teng.  
 
O’rningdan tur, ey sen mening hayotim, 
 
O’rningdan tur, uchar bo’lsam qanotim.  
 
Ajralmasman aslo sendan bir umr,  
 
To bor ekan tanimda jon, ko’zda nur.  
 
Sen bo’larsan har doimo yonimda,  
 
Tirik bo’lsam saqlanarsan jonimda.  
 

---

Muqannna  boshi  yerda  ekan,  uning  tepasiga  qurol-aslaha  olib  kelgan  aholi,  jangdan 
chiqqan  oq  ko’ylaklilar  to’planishib  qoladilar.  Muqanna  sekin  boshini  ko’tarib  yoshini 
artadi. Ularga boqadi. Hammaning boshi egilgan. So’ngra Muqanna yana egilib Guloyinni 
qo’liga 
 ko’taradi. 
 
 
Qani jangga, jangga chiqing arslonlar,  
 
Jangga chiqing, ey aziz qahramonlar!  
 
Guloyinning qilichi qo’limizda,  
 
Bu muqaddas qasosi dilimizda.  
 
Bir parcha o’t, bu tuganmas alanga  
 
Chaqiradi sizlarni so’nggi jangga! 
 
Hamma chiqadi. 
 
Hamid Olimjon.
 Asarlar. 3-tom. G’afir G’ulom 
nomidagi Adabiyot va san’at 
nashriyoti, 1971-y. 

---