Microsoft Word Tursunboyev S. O'zbek teatri tarixi. Majmua

 
Zikir Muhammadjonov.
 «O’lmas siymoga salom», 
«O’zbekiston adabiyot va san’ati» gazetasi, 
1988-yil, 4-noyabr, 45-son. 
 
 
SHOHIDAXON MA’ZUMOVA SULTONBEGIM 
ROLI HAQIDA 
...M. Leviyevning  «Jaloliddin»ga  yozgan  musiqalaridan  biri  «Uchayotgan  laylaklar, 
onamga salom denglar» degan qo’shiqqa tushirilgan bo’lib, uni yosh aktyor Habib Sa’diyev 
to’qayzorda jangchilar to’planib o’tirgan joyda aytardi. Sa’diyev  hozirgi TYuZdagi  aktyor 
Xayrulla va Hamza nomli teatrdagi aktyor Yodgorlarning otasi. Har gal kuyni repetitsiyada 
eshitishni  orziqib  kutardim.  Har  gal  to’lqinlanganimdan  ko’zimga  yosh  kelardi.  Bir  kun 
tasodifan  Og’aning  ham  ko’ziga  yosh  kelganini  ko’rdim.  Uyg’ur  Og’aning  ko’ziga  yosh 
olganini  birinchi  marta  ko’rganim  uchunmi,  baralla  yig’lab  yubordim.  Bir  vaqt  qarasam 
Temur  Malikni  o’ynayotgan  Abror  aka  va  Chingizxon  rolini  o’ynayotgan  Amin  Turdiyev 
ham yig’lab turibdi. 
...Sahnada  G’ani  A’zamov,  Mirshohid  Miroqilov,  To’g’on  Shukurov  va  boshqalar 
Chingizxon  va  uning o’g’illari obrazida qo’g’irchoq ko’tarib chiqardilar. «Jo’ji keldi, jo’ji 
keldi,  jo’ji  bilan  bo’ji  keldi»,  —  deb  ashula  aytib  hammani  kuldirar  edi.  Spektakldagi 
masxaralanayotgan  Chingizxonning  bir  necha  o’g’illari  va  nuyonlari  basharalarini  ko’rib 
xalq g’azabga kelardi. Bularning hammasi kishida dushmanga nafratni kuchaytirardi. Agar 

---

qarilarning  ko’nglida  armon  bo’lsa,  faqat  o’ch  olish  armonigina  qolgan  bo’lishi  mumkin, 
xolos.  Asardagi  ommaviy  sahnalar  ana  shu  taxlitda  qayta  ishlanib,  voqea  dinamikasi 
keskinlashtirildi. 
Xorazmshohning  qizi  Sultonbegim  esa  jasur  vatanparvar  qiz  darajasiga  ko’tarildi.  U 
akasining ijozati bilan jangga kiradi. 
Erkak kiyimini kiyib olgan qiz — Sultonbegim jang maydonidan qochgan o’z eri amir 
Badriddinni qo’lga tushirib, hibsga oladi...