Microsoft Word Tursunboyev S. O'zbek teatri tarixi. Majmua

 
 
...«Alisher  Navoiy»  dramasi  ilk  bor  M. Uyg’ur  (rejissor  N. Aliyeva)  tomonidan 
akademik  teatrda  sahnalashtirilgan  bo’lib,  premyerasi  1945-yil  1  aprelda  o’tgan.  Bosh 
rollarni  A. Hidoyatov  (Navoiy),  S. Eshonto’rayeva  (Guli),  L. Narzullayev,  ba’zida 
Sh. Burhonov,  A. Ismatov  (Husayn  Boyqaro),  O. Jalilov  (Majdiddin),  S. Tabibullayev 
(Mansur)  o’ynaganlar.  Asar  1948-yili  qayta  tiklanadi,  bu  safar  Navoiy  rolida 
O. Xo’jayev chiqadi. 
 
 
Asar  ko’pgina  viloyat  teatrlarida  qo’yilgan,  Buyuk  shoir  obrazini  Mashrab  Yunusov, 
Yahyoxon Mamatxonov singari qator san’atkorlar yaratganlar: 1991-yili akademik drama 
teatrida Turg’un Azizov rejissorligida asarning yangi nusxasi sahna yuzini ko’rdi. Navoiy 
rolini  Z. Muhammadjonov,  Yo. Ahmedov  va  M. Muhammadkarimov  (yoshligi),  Husayn 
Boyqaro rolini T. Azizov ijro etganlar. 
«Alisher Navoiy» spektakli «O’zbek teatrshunosligi» adabiyotida keng yoritilgan. Uni 
o’zbek  tilini  bilmaydigan  kishilar  ham  mamnunlik  bilan  qabul  qilganlar.  Shu  ma’noda 
ozarbayjonlik san’atshunos J. Safarov va teatrshunos alloma Ya. Feldmanning taassurot va 
sharhlari e’tiborli.