Microsoft Word Tursunboyev S. O'zbek teatri tarixi. Majmua

 
Ibrohimbiy javob bermaydir. 
 
R a h i m b i y. Bir-ikki shar’iy masala bor. Shuni so’ramoq uchun sizlarni chaqirdim. 
O x u n. Marhamat qiling, taqsir! 
R a h i m b i y.  Shul  to’rt-besh  kunlik  janjalimizda  Abulfayzxon  bilan  yana  bir  necha 
kishi o’ldilar... 
O x u n. Ha, taqsir... 
R a h i m b i y.  Bunlarning  o’lumiga  men  sabab  bo’ldim.  Shuning  shariatda  hukmi 
nima bo’lsa? 
O x u n.  Taqsir,  ho  taqsir,  masalan,  «bolvoi  om»da  o’lganlarning  qotili  hech  kim 
bo’lmaydir.  Unlar  bolvoi  omga  sabab  bo’ldilar,  o’zlari  o’ldilar,  shariatning  hukmi  shudir, 
taqsir. 
Q o z i  N i z o m.  Abulfayzxon  hukumat  ishlarini  bajara  olmadi.  Shuning  uchun 
hukumatni boshqa kishiga topshurmog’i kerak bo’ldi. Buni qilmag’ach, jazosini ko’rdi. 
R a h i m b i y.  Bizning  oramizda  bir  so’z  bor:  «Chingizxon  avlodidan  bo’lmag’on 
kishi xon bo’la olmaydur», deylar. Bu to’g’rinda shariatning hukmi nima bo’lsa? 
O x u n.  Shariatda  bunday  bir  narsa  yo’qdir.  Kimning  qo’lindan  ish  kelsa,  shul  xon 
bo’la beradir. 
R a h i m b i y. Shul eski masala to’g’risinda rivoyat (fatvo) berasizmi, taqsir? 
Q o z i N i z o m. Albatta, beramiz. 
R a h i m b i y. Erta shuni yozib kelturingiz! 
O x u n. Xo’b bo’lubdir. 
I b r o h i m b i y.  Rahmatlik  Rajabxon  bilan  birlashib,  Abulfayzxonga  qarshi 
urushg’animizda,  shunday  kengashgan  edikkim,  Buxorog’a  borib  kirsak,  butun  mullolarni 
bir  madrasag’a  solib,  o’t  qo’yamiz-da,  hammasini  yondiramiz.  Elimizni  buzub,  rasvo 
qilg’an shunlar. Bunlar diningizni tuzatamiz, deb dunyomizni murdor qildilar. 

---

Q o z i N i z o m. Nima qildiq biz?! 
I b r o h i m b i y. Siz Qozi Nizom emasmi? 
Q o z i N i z o m. Ha, men Qozi Nizom. 
I b r o h i m b i y.  Tuno  kun  Abulfayzxonni  «soyayi  xudo»  deb  oyoqlarini  o’pmag’on 
edingizmi?  Abulfayzxon  xotunlar  bilan  ichishib  yotg’on  bir  kechaning  ertasinda,  uning 
oldig’a kelib, «Bu kecha tushimda payg’ambarni ko’rdim, sizni so’rab yubordilar», — deb, 
chopon  kiyganingizni  unutdingizmi?  Tuno  kun  sizga  chopon  bergan  soyayi  xudoning 
o’limiga  bu  kun  fatvo  berasiz,  hech  uyolmaysizmi?  Tushingizda  Abulfayzxonni  so’rag’an 
payg’ambar, yana bir yo’la tushingizga kirib, uni so’rasalar, nima deysiz? Bunlar oz emish 
kabi Chingizxonning yasog’ini ham yo’q qilmoqchi bo’lasizmi?