Microsoft Word Tursunboyev S. O'zbek teatri tarixi. Majmua

«TOPDINGIZ, YO’QOTMANG!» 
Farmonbibi  —  Z. Sadriyevaning  yuzi  hamisha  jiddiy,  lekin  farzandlari  oldiga 
qo’yayotgan  talablari  nechog’li  kulgili  ekaniga  o’zining  ham  aqli  yetib  turganini 
fahmlaysiz.  Uning  farzandlarini  izmiga  solib  mamnun  jilmayishi,  ko’zlarida  yosh 
bolalarnikidek  beg’ubor  quvlikning  paydo  bo’lishida  aks  etib  turadi.  Uni  ortiqcha 
qattiqqo’llikda ham ayblab bo’lmaydi. Chunki ona juda dilkash, ulug’vor bir siymo sifatida 
paydo bo’ladi...  
— Spektakl ustida kollektivimiz bir jon, bir tan bo’lib ishladi, — deydi Zaynab opa, — 
komik obrazlarni yaratishga hammamiz ham tashna edik. Asar kelgach, obrazlarini hayotiy 
chiqarishga jon-jahdimiz bilan kirishib ketdik. Asarning tili, xushchaqchaqligi barchamizga 
ma’qul tushdi. 
Maosh  keltirish  kuni  kartinasini  repetitsiya  qilayotgan  paytimizda  turli  sohada 
ishlaydigan  o’g’illar  va  kelinlar  o’zlarini  ona  oldida  qanday  tutishlari  bir  necha  variantda 
ko’p martalab takrorlandi. Bir sidra Zaynab opa — Farmonbibi bolalarga do’q-po’pisa qilib 
pul  undirib  ko’rdi.  Yaxshi  chiqmadi.  Keyin  yalinish  variantini  mashq  qilib  ko’rishdi.  Bu 
ham  bo’lmadi.  Befarqlik,  sovuqqonlik  munosabati  ham  ko’ngildagiday  chiqmadi.  Oxiri 
hazil-mutoyibaga o’tildi. Shunda qidirilgan holat, kerakli munosabat, to’g’ri vaziyat topildi. 
Ham  ibora,  ham  holat  o’rniga  qo’yilgan  paytda  «Topdingiz,  yo’qotmang,  mahkam 
ushlang!»  deb  yuborardi  postanovkachi  rejissor  Bahodir  Yo’ldoshev  sevinganidan.  Xullas 
obraz  uni  ishontirardi,  hayotiy  qilib  yaratishning  turgan-bitgani  mehnatga,  tinimsiz 
izlanishlarga bog’liq. 
 
Marva Jaloliddinova
 «San’atkor gavhari», 
«O’zbekiston madaniyati» gazetasi, 
1979-yil, 13-fevral, 13-son.