Microsoft Word Tursunboyev S. O'zbek teatri tarixi. Majmua

 
Mamatxon dutorni keltirib beradi. 
Qani, qizim buni oling-chi? Qani chaling, ashula qiling! 
 
Nurxon dutorni ixtiyorsiz oladi. 
N u r x o n  (
iztirob  ichida
).  Otajon...  Axir,  o’rtoqlarim  shu  yerda,  onam  xolam, 
otajon... 
H o j i. Bilaman, o’tiring, chaling, eshitay. 
 
Nurxon chaladi. 
Tuzukroq chaling, Oppoq qizim. (
Birdan bo’g’iq
) sindiring! 
N u r x o n. Otajon, axir bu birovniki! (
Bag’riga bosadi
.) 
H o j i. So’z qaytarmang, sindiring! (
Qo’lidan olib Toshga uradi! Chetga o’tib dutorni 
uloqtiradi.
) 
N u r x o n.  Ilohim  tug’ilmay  o’lay.  (
Orqaga  o’tib  yig’lab,  onasining  bag’riga 
tashlanadi.
) 
H a y d a r  (
qaynab
).  Hoji  ota!  Biroz  andisha  qiling!  Bu  sho’ring  qurgurlarning  aybi 
nima?  Aybi qon-u zardobga to’lgan ko’nglini bo’shatay, bahrim ochilsin deb, o’z bog’iga 
chiqib o’ynab-kulganimi?! 
H o j i. Ko’zimga qadalib olib, qo’lingizni to’lg’ab gapirmang! Yurak o’ynog’i dardim 
bor. Qoyil. Boplabsiz uka, qandingizni uring, o’g’il bola! Odam to’plabsiz, bog’imni obod 
qilibsiz. Bu yaxshiligingiz sira yodimdan chiqmaydi uka! 

---

H a y d a r.  Ko’rib  turibman,  jaholatingiz  avjga  mingan!  Ko’nglingiz  bo’riday  uzilib 
turibdi. 
H o j i. Bunaqangi shamolda turgan shamdek yonaversangiz, ha-pa deguncha tugaysiz 
inim,  birovlarni  himoya  qilish  qo’lingizdan  kelmaydi.  Axir  bu  mening  qizim.  Sizga 
begona... aralashmang! 
H a y d a r.  Men  ochiq  ayta  qolay:  Nurxon  menga  begona  emas!  U  mening  jonimga 
teng. U men uchun, umr, hayot, baxt! 
H o j i. Nima, nima?! Qaytaring! 
H a y d a r. Biz bir-birimizga ko’ngil berganmiz. Bizning ahd-u paymonimiz qattiq. 
H o j i. Ahd-u paymon?! Ha-ha-ha! Biz-a?! Siz?! 
H a y d a r. Uni bog’imdagi qizil gul singari avaylab parvarish qilaman! 
H o j i. Bog’imdagi? Sizning bog’ingizdagimi? Xo-xo-xo!! 
H a y d a r. Kulmang!! Hech kim bizni bir-birimizdan judo qilolmaydi. 
H o j i. Shunaqami? (
Birdan g’azabnok Haydarning ko’ziga tikilib.
) Zamon  yoqlaydi. 
To’g’ri, lekin men yoqlamayman! Pa-r-cha-lab tashlayman. 
N o r q o’ z i  (
Huzurxo’janing  qo’lidan  chiqib
).  Hojim,  qovuningiz  sob  bo’lsa  ham, 
haligacha  kapangiz  buzilmaydi.  Bola-chaqani  munchalik  mutab  tashlamang.  Yoshlarning 
maqsadlari yo’liga g’ov bo’lmang! 
 
Hoji yalt etib Norqo’ziga qaraydi. 
Dutorni sindir deganingiz nimasi? Yoshlar kulsin-o’ynasin. Murod-maqsadiga yetsin! 
H o j i (
yoqasiga tupurib
). E, joni-ponim chiqib ketdi-ya! Siz ham shu yerdamidingiz? 
Po’stinga tushgan burgaday ko’rinmay ketuvdingiz. Bergan maslahatlaringizga jon-u dilim-
la xursandman. Huzurxo’ja! 
H u z u r x o’ j a. Nima deysiz, Hoji ota? 
H o j i. Aravani qo’shing. 
H u z u r x o’ j a. Xo’p, Hoji ota! 
H o j i.  Mamatxon,  bularni  uyiga  jo’nat.  Andak  xafa  qilib  qo’ydik.  Xudo  xohlasa 
yaxshilab xursand qilamiz. Xo’pmi, o’g’lim. (
ketmoqchi bo’ladi.
) 
H a y d a r.  Hoji  ota,  mana  bu  ayol  meni  tuz  berib  parvarish  qilgan  onam  bo’ladi. 
Onamga, Nurxonga azob bera ko’rmang! Agar ularga qo’l ko’tarsangiz... 
X o j i (
so’zini kesib
). Hamma gapingiz shumi? Xo’p, xayr. (
Orqaga o’tib.
) Mamatxon 
tezroq! (
Ketadi
.) 
N o r q o’ z i. Hojim, to’xtang! Hojim! (
Ketadi
). 
M a m a t. Qani, aravaga chiqinglar! (
Ketmoqchi bo’ladi
.) 
H a y d a r (yo’lini to’sib). Mamatxon, bu qanday gap axir? 
M a m a t.  Nima  qilay,  Haydarjon  aka?  Otamni  fe’lini  bilasiz-ku!  Qani  aravaga 
chiqinglar. (
Ketadi
.) 
N u r x o n. Otajon! (
Yig’laydi
.) 
K i m yo. Yig’lama qizim. Bechora qizimning sevinchi ichiga tushdi. 
X a l ch a.  Iloyim,  kelmay  o’lay.  Ko’p  gapirdim.  Ishning  xudo  urgani  shu-da.  Qani, 
yura qol. Nozikxon! 
 
Ketadilar. 

---

N u r x o n.  Onajon  hozir...  (
Boshida  paranji,  ko’chaga  chiqadi.  Yana  tez  qaytib 
kiradi
.) H a y d a r aka! 
H a y d a r. Qo’rqma otangni qahridan, men senga yorman... 
Har qachon sen «Haydar» desang, yoningda borman. 
N u r x o n. Bog’ ichida yayrab, kulib holing so’rolmadim. 
H a y d a r. Parvonadek boshingdan, Nur o’rgilolmadim. 
 
Shirin qo’shiqlaringga, jonim, to’yolmadim. 
Ikkovi. Yorim yuzingni ko’rgani mushtoq-u zorman. 
H a y d a r. Sindir qafasni, yirt pardani, oromijonim ul 
 
Ko’nglim mehmonu, jismimda jonim ul... 
 
Kel navbahorim bo’lgil-u, jon-u jahonim ul. 
Orqadan:
 Nurxon! 
N u r x o n. Hozir... 
H a y d a r. Qo’rqma otangni qahridan, men senga yorman... 
I k k o v i. Husni jamoling ko’rgali mushtoq-u zorman. 
K i m y o (
chiqib
). Mana men, nima deysiz otasi? 
H o j i. Qizingiz qani? 
K i m y o. Shu yerda. 
H o j i  (
zaharxanda  bilan
).  Yaqinroq  keling  aylanay.  Qizingizga  hozir  bildira 
ko’rmang. Indinga to’y qilib qo’ydim. Ha, harakatingizni qiling, oyim, tuzukmi? 
K i m y o. A? To’y? Kimga? 
H o j i. So’rab nima qilasiz. (
Tugunni tashlab
.) Mana, kiyim-kechakni tezdan tiktiring. 
Men qizimni yomon odamga berarmidim... 
K i m y o. Kimga axir? 
H o j i. To’raxo’ja sarkorga. 
K i m y o. Voy sho’rim, o’shanga qiz beramizmi?! 
H o j i. G’ing deya ko’rmang! Men javob berib yubordim. 
K i m y o. Jon otasi, qizimga rahm qiling. 
Yosh narsani sil qilib, ajalidan besh kun burun o’ldirmang! 
H o j i. Ovozingizni ko’tarmang, jim... eshitiladi?! 
K i m y o. Meni nega sizlaysiz, axir? 
H o j i. Sizni yaxshi ko’raman-da, xotin. Axir, sizdan boshqa kimim bor? 
K i m y o. Kelib-kelib shu buzuq Sarkorga qizimni beramanmi? 
Axir u suygulik emas, kuygilik bo’ladi!.. 
H o j i. Bersam nima bo’pti?! O’z qizim! Yig’lang! Sizni yig’lashga yaratgan xudo!! 
K i m y o. Yetti uxlab tushimga kirmagan kunlarni ko’radimi endi sho’rlik qizim... 
H o j i. Jim!!! Gap shu: Sarkor zoti ulug’, dunyo ko’rgan, pokiza odam... Ha, qizimni 
Haydarga  o’xshagan  diyonati  yo’qlarga  beraymi?  Oxiratimni  kuydiraymi?  Bu  dunyoda 
o’zimni  sharmanda  qilaymi?  Gap  bitta,  indinga  to’y,  bu  haqda  birovga  og’iz  ocha 
ko’rmang! Shu kundan boshlab xotinim kasal deb, gap tarqataman, agar biror narsa payqab 
qolsam, ertaga xotinim o’ldi, deb ovoza qilish ham qo’limdan keladi! Uqdingizmi, aylanay 
xotin! Men ketdim (
ketadi
). 
K i m y o. Sho’rlik qizim... (
ezilib kuylaydi
) 
To’rt devor qo’ynida yo’qdir yuragi qon men kabi, 
Qilmishi faryod-u o’z holiga hayron men kabi. 

---

Yor tutib bu dunyoda, yorning vafosin ko’rmagan. 
Dunyoga kelganligiga pushaymon men kabi. 
Soch yulib, nola qilib. Aylay yoqamni poralar. 
Yo’q jahon ahlida bir zor-u parishon men kabi. 
Zolim erning dastidan chekdim hamisha qayg’ular. 
Kim bu g’am zindoni ichra bo’ldi vayron men kabi? 
N u r x o n (
kirib
). Oyijon, yig’layapsiz? 
K i m y o. Hech bolam... 
N u r x o n.  Axir  nega  berkitasiz?  Ko’zlaringiz  qizarib,  qovoqlaringiz  ko’karib  qopti, 
oyijon?! 
K i m y o. Shunday, o’zim, bolam... 
N u r x o n. Hech jahonda, bekordan-bekorga yig’lar emishmi kishi? 
K i m y o. Qo’y so’rama, qizim, otang fe’lini bilasan-u, sizlab turib jonimni oladi. 
N u r x o n. Otamni fe’li qursin. Xafa bo’lmang oyijon. (
O’padi
.) 
K i m y o. Qizim (
tikilib
). Qizim!.. 
N u r x o n.  Boshqa bir  gap borga o’xshaydi, onajon,  mendan  yashirasiz. Yashirmang 
aytinq! 
K i m y o. Aylanay qizim meni qarg’ama! 
N u r x o n. Axir aytingiz nima gap? 
K i m y o. Otang seni kuyovga bermoqchi? To’raxo’ja Sarkorga... 
N u r x o n (
Chaqmoq tekkanday
). A? Onajon!! Hazon bo’lmay, onajon! 
K i m y o. Ilojim qancha, boshimni qaysi toshga uray qizim?! 
X a l c h a  (
kirib
).  Shayton  yig’ingni  qo’y  qizim,  beaql  bo’lma!  (
Kimyoga
)  Darrov 
yetkazibsiz-da, kelinposhsha! 
K i m y o. Siz ham yuragimni timdalamang aylanay Xalcha! 
X a l c h a.  Dadang  senga  yomonlikni  ravo  ko’rmaydi.  Bilaman,  sen  o’sha  Haydarni 
yaxshi ko’rasan, o’shanga tegib, nima orzu havas ko’rarding. 
N u r x o n. Uning davlatini boshimga tortamanmi? 
Men Sarkorga tegmayman, boshimga nima kulfat kelsa roziman!..