Microsoft Word Tursunboyev S. O'zbek teatri tarixi. Majmua

MUQANNA 
(
4-parda, 7-ko’rinishdan parcha
) 
 
M u q a n n a. Ko’p joylarni u zabt etgan bequrol, 
 
Poshnasiga arzimaydi ming Battol. 
 
Urushlarning o’ti yonar qonida, 

---

 
Eng tanlagan boshkesarlar yonida.  
 
Bizga qarshi uning o’zi kelibdi,  
 
Orqasida ming-ming lashkar turibdi.  
 
Ayt-chi, to’xtab bo’ladimi shu damda?  
 
To’xtadingmi? Qolding dog’u alamda.  
 
Foyda yo’q bizga jangdan to’xtashdan!  
 
To’xtamasga hujumni amr etaman.  
 
Har daqiqa bizning uchun g’animat,  
 
To’xtashlikni yoqtirmaydi bu san’at.  
 
To’xtashlikdan gapirma hech bir menga,  
 
(
Qurollarni ko’rsatadi
.) 
 
Ana qurol, kerak bo’lsa ol senga. 
B o g’ i y. Bor-yo’g’ini topshirmoqda xaloyiq,  
 
Pichoq, xanjar, so’nggi sovut, hatto mix.  
 
Hunarmandlar yasamoqda qilichlar,  
 
Bolta, tesha keltirmoqda behunar.  
M u q a n n a. Bundan so’ngra ravshan bo’lsinkim senga,  
 
Qurolimiz ko’pligidan biz jangga  
 
Kirganimiz yo’q, vatanni qutqarish  
 
Bizning uchun qurolsiz ham majbur ish!  
 
Chumoliga yerni teshgan qurolmas,  
 
Sherga kuch va dahshat bergan qurolmas.  
 
G’azab o’zi bizni arslon qiladi,  
 
G’azabi zo’r o’zni sher deb biladi.  
 
O’q tugasa, tosh otamiz dushmanga.  
 
Tosh tugasa, bosh otamiz dushmanga,  
 
Qilich sinsa, bolta bilan uramiz,  
 
Bolta sinsa, tayoq bilan qiramiz;  
 
Tayoq sinsa, tirnoq bilan tirnaymiz,  
 
Ko’kragidan tishlab olib qiynaymiz.  
 
Hamma narsa tugaganda, qonimiz  
 
Oqa-oqa paydo bo’lar biz dengiz,  
 
Qonimizga dushmanni g’arq etamiz,  
 
Yovni yengib, so’ng maqsadga yetamiz!  
 
Jinoyatdir shunday paytda turmoq tek,  
 
Qurollarni oling, jangga chiqaylik!