Microsoft Word Tursunboyev S. O'zbek teatri tarixi. Majmua

HAMID OLIMJON VA UNING «MUQANNA» 
ASARI HAQIDA SHARHLAR  
«Muqanna»  vatarparvarlik  dramasi  H. Olimjonning  urush  yillaridagi  eng  kuchli 
asaridir,  drama  O’zbekistonning  XVIII  asr  arab  bosqinchilari  tomonidan  zabt  etilishi 
davridan  olib  yozilgan.  Xalq  dohiysi  Muqanna  va  o’ziga  xos  Janna  D’ark  —  qahramon 
Guloyin — bu Hamid Olimjonning ulkan yutug’idir. 
Aleksandr Fadeyev.
  
 
O’zbek  sahnasi  so’nggi  vaqtgacha  xalqimiz  o’tmishining  tarixiy  qahramonlik 
mavzuiga  bag’ishlangan  monumental  spektakllarga  ega  emas  edi.  Hamid  Olimjonning 
yaqinda  Hamza  nomli  O’zbek  akademik  drama  teatri  tomonidan  sahnaga  qo’yilgan 
«Muqanna»  dramasi  keng  jamoatchilik  e’tiborini  jalb  etayotganining  sababi  ham  ana 
shundadir. 
...O’zbek shoiri Hamid Olimjon Movarounnahr  xalqlari dohiysi Muqannaning yorqin, 
ishontirarli  monumental  obrazini  yaratdi.  Unda  xalqning  ma’naviy  qudrati,  qahramonligi, 
ozodlikni  sevishi  kabi  oliyjanob  fazilatlarini  mujassamlashtirdi.  Pyesa  voqealari  boshdan-
oyoq  fojeiy  bo’lishiga  qaramay,  insonni  g’alabaga,  jasorat  ko’rsatishga  ilhomlantiruvchi 
muqaddas  kurash  nafasi  bilan  yo’g’rilgan.  Bu  bilan  birga  pyesada  Hamid  Olimjon 
ijodiyotiga xos lirizm ancha o’rin olgandir... 
Muqanna  (O’zbekiston  xalq  artisti  Abror  Hidoyatov)  birinchi  sahnaga  chiqishidanoq 
tomoshabinning diqqatini butunlay o’ziga tortib oladi. O’zbek teatrining ulug’ arbobi Abror 

---

Hidoyatov  mana  bir  necha  yildirkim,  Otello  rolini  mislsiz  mahorat  bilan  o’ynab  keladi. 
Muqanna roli esa, uning yangi ijodiy muvaffaqiyatidir. 
Komil Yashin
, Mehnat qahramoni, akademik. Komil 
Yashin asarlari majmui, 3-tom, 85—86-betlar.