Microsoft Word Tursunboyev S. O'zbek teatri tarixi. Majmua

 
ZAMIRA HIDOYATOVANING «ONALARI» 
Ba’zilar «ona, kampir, qaynona rollarini sahnada o’ynash juda oson, aytadigan so’zini, 
luqmasini aytishda adashmasa bo’ldi, u yog’ini amallab eplab ketaveradi artist, chunki ayol 
san’atkor  o’zini  o’zi  o’ynaydi-da»,  deb  yengil-yelpi  mulohaza  ham  yuritadilar.  Unday 
emas!  Yarim  umri  bolalari  davrasida  o’tadigan,  uning  ustiga  to’y-hashamlardan, 
ma’rakalardan  qolmaydigan  Zamira  Hidoyatova  onaning  shu  muhitni  unutgan  holda 
oqshom  teatrga  kelib,  sahnada  yo  Bo’ston,  yo  Hamrobibi,  yo  Kabanixa,  yo  Hoji  ona 
timsolida  chiqib,  xatti-harakatlari  bilan  ishontirishi,  e’tiborni  o’z  sehriga  tortishi  amallab 
eplab ketadigan  ish emas!  Bu  ijod!  Bu kashfiyot, bu zavqli  mehnat tashvishi  va samarasi! 
Bunga  iste’dod,  bir  holatdan  ikkinchi  holatga  o’tish,  o’ta  bilish,  ishontirish  mo’jizakorligi 
kerak.  Buning  ustiga  artistning  o’z  jozibasi,  qalbni  ohanrabodek  tortib  olishi,  tomoshabin 
ixtiyorini tizginlab qo’ya bilish san’atini egallashi ham lozim. Qolaversa, talqin qilayotgan 
obrazni tarixan, ma’nan o’rganmog’i, o’zlashtirmog’i farz va qarz. 
Agar biz Zamira  Hidoyatova  yaratgan Ona obrazlari  gallereyasini ko’zdan kechirsak, 
bir-biriga  sira  o’xshamagan  o’zbek  onaxonlarini  xotirada  olib  qolamiz.  Tashqi  qiyofalari, 
kiyinishlari  qanchalik  o’xshamaganidek,  bu  obrazlarning  yaratishda  xarakterlari,  so’zlash 
intonatsiyalari,  yurish-turishlari,  imo-ishoralari  ham  takrorlanmas,  o’xshamasdir.  Bu  ona 
obrazlarining biri mehr uyg’otsa, biri nafratlantiradi, biri kuldirsa, biri yig’latadi. Umuman, 
inson tuyg’ulari, jilosi rang-barang shakllarda ko’rinadi. Chunki u sahnada rol o’ynamaydi, 
balki qahramon timsoli bo’lib yashaydi. 
Yong’in Mirzo.
 «Sahnamiz momosi». «O’zbekiston 
madaniyati» gazetasi 1979-yil, 23-yanvar.