Microsoft Word Tursunboyev S. O'zbek teatri tarixi. Majmua

«G’AZABLI QAHQAHA» 
«Tobutdan tovush»ning g’oyaviy mazmunini poraxo’rlikni qoralashdangina iborat deb 
tushunish  uncha  to’g’ri  bo’lmas  edi.  Asarning  mazmuni  ancha  keng.  Unda  yozuvchi 
poraxo’rlik muqarrar ravishda boshqa jinoyatlar bilan birlashib ketishini ham ochadi, chirik 
axloqni  qoralab,  insonning  pok  va  oliyjanob  bo’lishi  kerakligi  haqida  ideyalarni  olg’a 
suradi.  Bu  g’oyalar  asarda  katta  mahorat  bilan  yaratilgan  qator  satirik  tiplarda 
mujassamlashgan. 
«Tobutdan tovush» qo’yilgan kuni teatr zalida bir lahza ham kulgi to’xtamaydi. Avtor 
bizni poraxo’rning pora evaziga tiklangan dang’illama uchastkasiga olib kiradi. Poraxo’r va 
uning atrofidagi chirkin muhit bilan tanishtiradi. Ular odamlar nazarida uyasiga quyosh nuri 
tushgan 
ko’rshapalakdek 
talvasaga 
tushib 
qolishadi. 
Ularning 
talvasasidan, 
dovdirashlaridan, chinakam hayot shamolida sarg’aygan nimjon yaproqdek chirpirak bo’lib 
uchishidan  g’azablanib,  nafratli  qahqaha  bilan  kulamiz.  Bu  qahqahada  g’azab  va  nafrat, 
ijirg’anish  va  qoralash  bor.  Spektakl  davomida  tomoshabin  faqat  kuzatuvchi  bo’lib 
qolmaydi,  balki  sahnada  bo’layotgan  hodisalarga  avtor  va  teatr  kollektivi  bilan  hamnafas 

---

bo’lib, poraxo’rlik va meshchanlikni g’azab bilan qoralovchi, rad etuvchi sudyaga aylanadi. 
Zalning  g’azabli  qahqahasi  o’tmishning  hamon  yashab  kelayotgan  «razil  merosi»ni 
sharmandalik doriga tortuvchi qat’iy hukmga aylanadi. 
 
O. Sharafiddinov 
«G’azabli qahqaha». 
«O’zbekiston madaniyati», 1962-yil, 5-dekabr.