Microsoft Word Tursunboyev S. O'zbek teatri tarixi. Majmua

 
«ALPOMISH» SPEKTAKLI HAQIDA SHARHLAR 
Navro’z chog’i edi. 
Mana,  elat  oqsoqoli  Boysarining  ovuli.  Ovul  o’z  ko’rki  va  salobati  bilan  alohida 
ko’zga tashlanadi.  Ko’klam  fasli. Olisda  yuksak tog’lar, sho’x daryo  va jilg’alar. Sahnada 
egri-bugri tog’ yo’li. Bir tomonda o’tovlar. Bu osoyishta o’lkaga Inoq, Ko’kaldosh, Surdov 
va  boshqalar  bostirib  kirib,  xalqning  tinchligini  buzadilar.  Bosqinchilarning  bu  yerga 
kelishidan maqsad, Boysari elatini ham o’ziga qaram qilishdan, butun yaylov, ekin, chorva, 
ulov va boshqa narsalarni o’ziga tobe qilish haqidagi xon farmonini bildirishdan iborat edi. 
Ammo ular bu farmonga qarshi javob olib qaytib ketadilar. Tong paytida, sokinlikni buzib, 
otlar dupuri eshitiladi. Birozdan so’ng darvish niqobida charx urib, Inoq  — Boltayev kirib 
keladi. U o’zini tanitmaslik uchun qalandar (devona) qiyofasiga kirib oladi.  
...Elatda  navro’z  bayrami.  Yasangan,  qurollangan  yigit-qizlar  lola  terib,  o’ynab-
kuylash  uchun  qirga  chiqishgan.  Tabiat,  bahor  ne’matidan  bahramand  bo’lib,  go’zal  libos 
kiygan.  Yigitlar  lola  terish  uchun  uzoq-uzoqlarga  ketganlar.  Sahnada  qizlar  kuylashib, 
raqsga tushmoqdalar. Qizlardan nariroqda Barchin qilich va o’q-yoyini daraxt shoxiga ilib, 
o’zi  og’ir  xayolga  cho’mib  o’tiribdi.  Yigitlar  quchoq-quchoq  lola  ko’tarib  kirib  qizlarga 
tortiq  qiladilar  va  kuylab,  raqs  boshlaydilar.  Shu  payt  Ulton  chiqib  keladi.  U  Barchinning 
qo’lini  qayirib  ko’ksiga  bosmoqchi  bo’lganda,  Juma  yetib  kelib,  uning  yoqasidan  tutadi. 
Darrov hozir bo’lgan yigit-qizlar Ultonni bog’lab tashlaydilar. 

---

 
T. Jo’rayev. «Abdurauf Boltayev». G’afur G’ulom 
nomidagi Adabiyot va san’at nashriyoti, 
1982-yil, 63—65-betlar.