Microsoft Word Tursunboyev S. O'zbek teatri tarixi. Majmua

 
Qamar shoshib kirib, salom beradi. 
 
Q a m a r —  Tohir aka kelmoqdalar, malikam... 
Z u h r a —  Hamma qizlar peshvoziga bo’lsin jam. 
 
Tohirjonning qadri jonimdan qimmat, 
 
Kutib oling ham ko’rsating ko’p hurmat! 
 
Qamar chiqadi, qizlar yo’l ustiga tizila boshlaydilar. 
 
Q i z l a r  x o r i: — Xush  kelibsiz,  g’uncha  bag’ri  qon-u  gulzor 
intizor, 
  Savti shahnoz o’rgilib, yo’l uzra gulyor intizor. 
Q a m a r — Gul tabassum qilmadi, sizsiz bu lablar kulmadi. 
Q i z l a r  x o r i — Keng  chaman  har  doimo  Zuhram  uchun  tor, 
intizor. 
 
Tohir kiradi. 

---

T o h i r (ruboi) —  Har  qachon  ham,  iltifotingga  sazovor 
o’lmisham, 
  Shul sababdan naqd jon ila xaridor o’lmisham. 
  Ko’rsatib adl-u muruvvat begunoh bir nechaga, 
  Taxt-u toj oldida andoqkim, gunohkor o’lmisham. 
  Tohirim kelmaydi deb, qahr etma, e jon Zuhrajon, 
  Bir guruh dardli, alamlarga men yor o’lmisham. 
Q i z l a r  x o r i — Kelmading gul sayriga, o’zni nigoron etdi gul, 
  Betomoshabin qolib, o’z bag’rini qon etdi gul. 
  E chamanning bulbuli, gulshanga kir, gul sayriga,  
  Zeb berib, orolanib, husnini chandon etdi gul. 
T o h i r —  E tasanno, bog’ aro orolanibsiz muncha ham, 
  Gulni hayron qoldirib, zebolanibsiz muncha ham. 
  Cho’g’ bo’lib, mash’al bo’lib, ham toblanib, ham kuydirib, 
  Sof ishq bo’stonida ra’nolanibsiz muncha ham, 
  Husn ham, qomatda ham barnolanibsiz muncha ham. 
Z u h r a —  Uch kun deganda kelmading, 
  Yolg’izligimni bilmading, 
  Yoki nazarga ilmading, 
  Yor, muncha zor etding meni. 
  O’tdi oradan olti kun, 
  Ko’ksimda g’amlardan tugun, 
  Ayniqsa, ko’p kutdim bukun, 
  Yor, muncha zor etding meni,