Microsoft Word Tursunboyev S. O'zbek teatri tarixi. Majmua

 
 
 
 
ABDUQAHHOR IBROHIMOV 
(1939)
 
 
Taniqli jurnalist va dramaturg Abduqahhor Ibrohimov Toshkentning Ko’kcha dahasida 
tavallud topgan. A. Ibrohimov o’rta maktab ta’limini olgach, 1957—1962-yillari Toshkent 
Davlat universitetining jurnalistika fakultetida o’qigan, keyinroq Moskvadagi Oliy adabiyot 
kursida  malakasini  oshirgan.  «O’zbekiston  madaniyati»  gazetasi  (1982—1986),  so’ng 
«Guliston»  jurnali  tahririyatlarida  ishlaydi.  Respublika  Madaniyat  vazirligi  San’at  ishlari 
boshqarmasida bosh  muharrir, 1992—1993-yillari Respublika  Prezidenti Devonida  mas’ul 
vazifada  ishladi.  Hozirda  Respublika  «Ma’naviyat  va  ma’rifat»  jamoatchilik  markazida 
xizmat qilib keladi. A. Ibrohimovga O’zbekistonda xizmat ko’rsatgan san’at arbobi unvoni 
berilgan. 
A.  Ibrohimov  birinchi  pyesasini  1969-yili  yozgan.  «Birinchi  bo’sa»  deb  ataluvchi 
ushbu  pyesa  1971-yili  «Yosh  gvardiya»  (hozirgi  A.  Hidoyatov  nomidagi)  teatrda  rejissor 
Ergash Masafayev tomonidan sahnaga qo’yilgan. 
A.  Ibrohimov  o’nga  yaqin  pyesa  yozgan.  Ularning  bir  qismi  rus  tilida  nashr  etilib, 
ba’zilari chet el teatrlari repertuaridan o’rin oldi. Uning pyesalari 1970—80-yillar davomida 
respublika teatrlari repertuarida  yetakchi o’rinni egallagan edi.  «Arra», «Zamon o’g’loni», 
«Bir  o’likka  bir  tirik»  (Farg’ona,  rejissor  N. Otaboyev),  «Zo’ldir»  (Surxandaryo,  rejissor 
R. Mansurov)  qator  teatrlarda  sahnaga  qo’yildi.  «Puch»  —  «Nekrolog»  1989-yili  Hamza 
nomli  akademik  drama  teatrida  (rejissor  R. Hamidov),  «Zo’ldir»  musiqali  satira  sifatida 
1985-yili Muqimiy nomli  musiqali teatrda (kompozitor M. Bafoyev, rejissor N. Otaboyev) 
sahnaga qo’yildi.