Microsoft Word Tursunboyev S. O'zbek teatri tarixi. Majmua

ZAYNAB SADRIEYVA GAVHARSHODBEGIM ROLIDA 
Gavharshod  —  Zaynab  Sadriyeva  sahnada  ko’p  ko’rinmaydi-yu,  biroq  saltanatdagi 
muhit,  taxt  talashish,  saroy  kishilarining,  shu  jumladan,  ona  bo’lmish  Gavharshod  ichki 
dunyosining  naqadar  jirkanchligini,  qabihligini  yaqqol  ochib  beradi.  Yoshi  o’tgan  bo’lsa-
da, hamon davlatni boshqarish orzusida yonishi va bu yo’lda hech nimadan qaytmasligi shu 
qadar haqqoniy ko’rsatilganki, u sahnaga chiqdi deguncha tomoshabin nafratini qo’zg’aydi. 
Kichik bu obraz bilan aktrisa qattiqqo’l, bag’ritosh shaddod malikaning jirkanch basharasini 
ko’rsatibgina qolmay, tomoshabin qarshisida o’sha davr ruhini jonlantiradi. 
She’riy  dramalarda  obraz  aktrisaga  sahna  sirining  yana  bir  qirrasini  ochdi.  U  avvalo 
she’r  musiqiyligidan  bahra  olib,  piching  otish,  tom  ma’nosi  bilan  dahanaki  jang  qilish 
nimaligini  tushundi.  Ortiqcha  harakat  qilmasdan,  bir  og’iz  so’z  bilan  yonidagilarni 
o’tirg’izib-turg’izishga  qodirligini,  jaholatning  beshafqatligini  ko’rsatadi.  Ba’zida  imo-
ishora, sukut yoki kesatiq bilan voqeani jonlantirish hammaning ham qo’lidan kelmaydi. 
 
Marva Jaloliddinova,
 «Zaynab Sadriyeva». 
G’afur G’ulom nomidagi Adabiyot va 
san’at nashriyoti, 1987-yil, 88-bet.