Microsoft Word Tursunboyev S. O'zbek teatri tarixi. Majmua

A. QAHHOR HAQIDA XOTIRA VA SHARHLAR. 
«AKTYORLARGA ASAR YOZISHNI 
SHU KISHI BOSHLADILAR»
 
 
«Aleksandr  Ginzburg,  Toshxo’ja  Xo’jayev  va  Abdulla  Qahhor  o’tirishibdi,  odatda, 
teatrning  kunduzgi  ishi  soat  11  da  boshlanib,  14  da  tugashi  kerak.  Lekin  soat  15 
bo’layaptiki,  javob  bo’lmayapti,  sababi  ovqatlanish  sahnasi  chiqmayapti  (gap  «Shohi 
so’zana»  spektakli  ustida  bormoqda),  hammaning  boshi  qotgan.  Mavlon  rolida  —  Obid 
Jalilov,  Qo’ziyev  —  Nabi  Rahimov,  Saltanat  —  Ikroma  Boltayeva,  rais  —  Lutfilla 
Nazrullayev, partkom — Sharif Qayumov, Hafiza — Yayra Abdullayeva, men Dehqonboy 
rolida  edim.  To’satdan  Nazrullayev:  «Qorin  piyozni  po’sti  bo’lib  ketdi-yu»  deb  yubordi. 
Yayra  hazillashib  o’rtaga  laganni  qo’ydi-da:  «Olinglar,  chuchvarani  yenglar»,  —  dedi. 
Lutfilla  aka  «menga  doktorlar  xamir  ovqat  yema  deb  buyurgan»  dedi-da,  o’rnidan  turib 
ketdi. Nabi aka uning jig’iga tegish uchun: «Qani qatiqdan sol, dedi-yu, laganga qo’l uzatdi. 
Og’zini so’lagi kelgan Nazrullayev «Qatig’iyam bor ekanmi?» deb u yoqdan-bu yoqqa yura 
boshladi.  Men  «Ko’kpiyoz  sep  degandim,  Nazrullayev:  «Ko’kpiyoz  zo’r  bo’ladi»  deb 
qo’ydi. Shu topda Yayra «Murch sepaveraymi?» deb so’radi. Kimdir «ke, yana yarim kilo 
semirsam semiraqolay» deb davraga qo’shilgan edi, gurr kulgi ko’tarildi. Zalda o’tirganlar 
bizning  bu  «etud»imizni  kuzatib  turishgan  ekan.  Zavqlari  kelib  ketib  «Stop!»  deb 

---

yuborishdi.  Ertasiga  Abdulla  Qahhor  shu  improvizatsiya  asosida  nihoyatda  go’zal  sahna 
yaratib  keldilar.  Abdulla  Qahhorning  hamma  pyesalari:  «Shohi  so’zana»,  «Tobutdan 
tovush»,  «Og’riq  tishlar»,  «Ayajonlarim»  bizning  kollektivimizda  pishib  yetilgan,  desam 
mubolag’a bo’lmaydi... Abdulla Qahhor bizning teatrimizda bir necha yil adabiy emakdosh 
bo’lib  ishlaganlar.  U  kishining  dramaturglar  bilan  tengma-teng  yangi  asarlar  ustida  ter 
to’kishlari, pyesalarni, tarjima asarlarni tahrir qilganliklari, rejissor bilan stol atrofida o’tirib 
olib,  sahnabop  so’zlarni  qidirib  topish-u  aktyorlarning  so’z  talaffuziga  qanchalik  e’tibor 
berishlari  hamon  ko’z  o’ngimda  turibdi...  Dramaturgiya  qoidalarini  bilibgina  qolmay, 
sahnaning  ikir-chikirlarigacha  bilib  olishga  harakat  etdilar  chog’i,  o’zbek  adabiyotida 
aktyorlarga  moslab  asar  yozishni  shu  kishi  boshladilar  deb  bilamiz.  U  kishining  pyesasi 
o’qilgandayoq qaysi aktyor qaysi rolni ijro etishi lozimligini bilib turardik... 
«Obrazlar o’z kasb-koridan kelib chiqib  gapiradi. Rol  xarakterini personaj  gaplaridan 
aniqlab  olish  mumkin.  «Tobutdan  tovush»  asaridagi  Suxsurov  obrazini,  o’zi  aytadigan 
so’zlaridan  aniqlab  olganman,  —  deydi  shu  rolni  ijro  etgan  O’zbekiston  xalq  artisti 
Sa’dixon Tabibullayev, — Men qayerim qichishini oldindan bilib qashlab qo’yaman», «Sen 
shohida  yursang,  men  bargida  yuraman»,  yana  «Men  mushukman,  meni  orqamni 
payg’ambarlar  silagan,  osmondan  tashlab  yuborsalar  oyog’im  bilan  tushaman». 
Suxsurovning  poraxo’rligi  haqida  personaj  shunday  deydi:  «U  shaytondan  yetti  kun  oldin 
tug’ilgan.  Jonini  olgani  kelgan  Azroildan  ham  pora  so’raydi».  Aktyor  ijro  etishi  lozim 
bo’lgan obrazni rassom kabi ko’z oldimizga keltirib qo’yardilar. 
 
Zikir Muhammadjonov
 «Abdulla Qahhor zamondoshlari 
xotirasida». Toshkent, G’. G’ulom nomidagi Adabiyot 
va san’at nashriyoti, 1987-yil, 149—150-betlar. 
 
1962-yilning oxirida «Tobutdan tovush» asari qo’yildi (postanovkachi A. Ginzburg, 
rej.  A. Turdiyev).  Bosh  rollarda  S. Tabibullayev  (Suxsurov),  I. Boltayeva,  S. Karimova 
(Netayxon),  Q. Xo’jayev  (Qori),  Z. Muhammadjonov  (Obidjon),  J. Tojiyev  (Shobarot) 
chiqdilar. Spektakl haqida Ozod Sharafiddinov matbuotda uni qat’iyan himoya qilishga 
qaratilgan taqrizi bilan chiqdi.