Microsoft Word Tursunboyev S. O'zbek teatri tarixi. Majmua

 
«GUL VA NAVRO’Z» 
Muqimiy  nomidagi  teatr  san’atkorlari  o’z  muxlislariga  Lutfiyning  «Gul  va  Navro’z» 
dostoni  asosida  ishlangan  muzikali  dramani  havola  etdilar.  Sevgi  va  sadoqat,  mardlik  va 
jasorat,  insonparvarlik  kabi  oliyjanob  xislatlarni  tarannum  etuvchi  bu  asar  oltmishinchi 
yillar  avvalida  dunyoga  kelgan  edi.  Pyesani  Sobir  Abdulla  va  Muzaffar  Muhamedov, 
musiqasini To’xtasin Jalilov va Georgiy Mushellar yaratgan edilar. 
Nazarimda  teatr,  sahnalashtiruvchi  rejissor  (O’zbekistonda  xizmat  ko’rsatgan  san’at 
arbobi  Nosir  Otaboyev)  bu  asarni  tanlaganlarida,  faqat  katta  sevgi  haqida  asar  yaratishni 
o’ylagan emaslar, aksincha, chuqurroq va kengroq maqsadlarni ko’zlaganlar... 
Rejissor  Gul  va  Navro’zni  xalqdan  ajratib  ideallashtirmaydi,  aksincha,  ularni  barcha 
hollarda  birlashtirishga,  hamohang  qilishga  intiladi.  Gul  va  Navro’z  xalq  bilan  tirik,  og’ir 
paytlarda  unga  tayanadi,  undan  madad  oladi,  uning  yordamida  g’alaba  qiladi.  Xuddi  shu 

---

narsa ijobiy qahramonlarni soxtalikdan asragan, intilishlari tiniq va me’yorida jaranglashini 
ta’minlagan. 
Spektaklda Gul va Navro’z obrazlarini Mehri Bekjonova bilan Turg’un Beknazarovlar 
ijro etganlar. Mo’jizalar  yaratuvchi buyuk  xislatlar  ular  ijrosida o’zining  hayotiy  ifodasini 
topgan. Zero, ularning qahramonlari to’siqlarni yengishda mo’jizalarga emas, o’z kuchi va 
imkoniyatlariga tayanadilar, sabr-toqat va bukilmas irodani ishga soladilar. Ayniqsa, ikkala 
aktyor  ijrosidagi  «Osmon  kerakmas»,  «Gulyuz»,  «Xor  bo’lmasun»,  «Tor  etmagin  sen 
ham»,  «Guli  zorima  ayting»,  «Turnalar»,  «Bir  bo’sa  uzat»  radifli  ashulalari  xalq 
ohanglariga hamohang bo’lib ketganligi tufayli tomoshabinga kuchli ta’sir etadi.  
O’zbekiston xalq artisti Mahmudjon G’ofurov Xuroson obrazini yaratgan. U yaratgan 
obraz  tashqaridan  qaragan  tomoshabinga  hech  ham  salbiy  ko’rinmaydi.  Ijroning  qiymati 
shundaki,  u  faqat  ertakona  shoh  bo’lib  qolmay,  qaysidir  xislatlari  bilan  bugungi 
kunimizning ko’rinishlarini eslatganday bo’ladi.  
Yorqin  obrazlardan  biri,  albatta,  Rustam  Ma’diyev  ijrosidagi  Baxman,  o’zbekistonda 
xizmat  ko’rsatgan  artist  Sobirjon  Rahimjonov  ijrosidagi  arab  sultoni  Arbulzarq, 
O’zbekistonda  xizmat ko’rsatgan artist Sur’at Po’latov  va  Fayzulla  Ahmedovlar  ijro etgan 
xabash qabilasining boshlig’i Nuqus obrazlari ham jonli chiqqan. 
 
Hamidjon Ikromov
, san’atshunoslik  nomzodi «Lutfiy 
qahramonlarining  sahnaviy talqinlari haqida». 
«Yosh leninchi» gazetasi, 1989-yil, 10-oktabr. 
...Muqimiy  nomli  teatrda  1950-yili  o’zining  shoirona  nafosati  bilan  uzoq  yillar 
tomoshabinlar  ardog’ida  bo’lib  kelgan  «Alpomish»  musiqali  dramasi  sahnalashtirildi. 
Bosh rollarda M. G’ofurov  (Alpomish)  F. Rahmatova, E. Jalilova  (Barchin)  A. Boltayev 
(Inoq), A. Ismatov (Ulton) kabi san’atkorlar chiqdilar.