Microsoft Word togaymurod otamdan qolgan dalalar lotin ziyouz com doc

 
14 
— Kelgichlar birovi Normurod faol bo‘ldi. 
— Dehqonqul! Shu enag‘arga aytib qo‘y, qadamini tortsa tortdi, tortmasa, o‘z qo‘lim bilan 
kallasini olaman. 
— O‘zi, qizillar qachon ketar emish? 
— Dehqonqul! Qizillar ketmaydi, haydamasa ketmaydi. Ketmasa, o‘zlarini sho‘ri. Bari Qizilni 
tutday to‘kaman. Qizillar o‘ligini g‘ojirlarga yem qilaman. 
— Bir Rashid bosmachi bilan ikkovini qo‘lidan nima keladi. 
— Dehqonqul! Necha marotaba aytaman, bosmachi dema deb. Bosmachilar ana — qizillar! 
— Bari shunday deyapti-da, menda nima ayb. 
— Bari aytsa-da, sen aytma. Chin, bizning qishloqdan Rashid ikkovimiz, chin. Biz nima qilaylik, 
bari din-imonini sotayapti. Birovi Sho‘ro bo‘layapti, birovi firqa bo‘layapti, birovi hosilot bo‘layapti. 
Dehqonqul! Men ularni jigit sanamayman, Yo‘q, jigit sanamayman. Gapni o‘roli keldi, aytayin... Ular 
xunasa! Ha, xunasa! 
— Shunday deyishga uyalmaydimi? 
— Bo‘lmasa, nima deyin? Kofir deyin desam — bari o‘zbak bo‘zbolalar. O‘zbak deyin desam — 
bari kofirlar yo‘lidan yuribdi. Musulmon bo‘p — musulmon emas, kofir bo‘p — kofir emas. 
Bundaychiminlarni kim deydi? Xunasa deydi-da! 
15 
— Bu safar hayallab qoldi? 
— Ko‘lobda bo‘ldik. Ibrohimbek qo‘rboshi hazratlari qo‘lida mashq oldik. 
— U kishi kim bo‘ldi? 
— U kishi islom lashkari sorboni bo‘ladilar. 
Ibrohimbek hazratlarini qo‘rboshimiz desak-da bo‘ladi, amirimiz desak-da bo‘ladi. Boisi, amirimiz 
o‘z joylariga Ibrohimbek hazratlarimizni tayinlabdilar-da, o‘zlari Afg‘oniston sari siporish beribdilar. 

---

Tog‘ay Murod. Otamdan qolgan dalalar (roman) 
www.ziyouz.com
kutubxonasi 
20
Xudo xohlasa, Ibrohimbek hazratimiz sorbonligida bari o‘risni bitta qo‘ymayin qiramiz. 
— Ko‘lobga bir o‘zi bordimi? 
— Yo‘q! Elliktacha jigit bo‘lib bordik. Ibrohimbek hazratimiz qarorgohida turkiy lashkarboshilar 
mashq berdi. Ay, bir barlos jigitlar mashq olayapti, ay, bir barlos jigitlar mashq olayapti! Jigit emas — 
lochin, lochin! Ibrohimbek hazratimiz barloslari olsa oladi — aslo oldirmaydi!